aviabiletebi
ახალი ამბები მთავარი საზოგადოება

ავტოსაგზაო შემთხვევა ქედაში – დაშავებულია 15 ადამიანი

aviabiletebi
ავიაბილეთები

ქედაში ავტოსაგზაო შემთხვევის შედეგად 15 ადამიანი დაშავდა. დაშავებულები სასწრაფო სამედიცინო დახმარების ბრიგადებმა ბათუმისა და ქედის კლინიკებში გადაიყვანეს.

აჭარის ჯანდაცვის სამინისტროს ინფორმაციით, 13 დაშავებულს ქედის კლინიკაში ამბულატორიული დახმარება უტარდება, ხოლო 2 დაშავებული ბათუმის რეფერალურ საავადმყოფოში გადაჰყავთ დამატებითი კვლევებისთვის.

მათივე ინფორმაციით, არცერთი მათგანის სიცოცხლეს საფრთხე არ ემუქრება. შემთხვევა ქედის მუნიციპალიტეტში მოხდა, ავტოსაგზაო შემთხვევისას ავტობუსი გზის სავალი ნაწილიდან გადავიდა და ამოყირავდა.

ფაქტზე შინაგან საქმეთა სამინისტრომ გამოძიება “სისხლის სამართლის კოდექსის” 276-ე მუხლით დაიწყო, რაც სატრანპორტო მოძრაობისას წესების დარღვევას გულისხმობს.

იტვირთბა....