"მოვუწოდებ ხალხს, ბილეთები დააბრუნონ, ან არ მივიდნენ კინოჩვენებაზე" - მამა დავით რუხაძე - Metronome.Ge
ახალი ამბები მთავარი საზოგადოება

“მოვუწოდებ ხალხს, ბილეთები დააბრუნონ, ან არ მივიდნენ კინოჩვენებაზე” – მამა დავით რუხაძე

დეკანოზმა დავით რუხაძემ ფილმის „და ჩვენ ვიცეკვეთ“ დაგეგმილ პრემიერასთან დაკავშირებით განაცხადა, რომ მართლმადიდებელი ერი უნდა დავდგეთ ერთად და მშვიდობიანად გავაპროტესტოთ გარყვნილების პროპაგანდა

დეკანოზი მოქალაქეებს მოუწოდებს, ბილეთები დააბრუნონ, ან კინოჩვენებაზე არ მივიდნენ.

„იქ არც ხელს ავწევ, არც არაფერს, ისე ვიდგები. შეიძლება ბლოკირება მოხდეს. ვიდგებით, ვილოცებთ და შევეწინააღმდეგებით ფილმის ჩვენებას. ხალხს მვუწოდებთ, არ შევიდეთ კინოთეატრებში. ჩვენი ამოსავალი სიბრძნე წმინდა სახარებაა. ღმერთმა შექმნა მამაკაცი და დედაკაცი და არა მამაკაცი და მამაკაცი, ან დედაკაცი და დედაკაცი. ჩვენი მთავარი მიზანი ტერიტორიების აღდგენაა. ამისათვის მებრძოლი და მართლმადიდებელი სულია საჭირო. ცოტა ხნის წინ კინოთეატრებში „შინდისის გმირები” გადიოდა. ისინი ჩვენი მაგალითები არიან. მავანს სურს, რომ მამათმავლობა დანერგოს. ამით მებრძოლ სულს ვაკნინებთ. აღშფოთებას იწვევს ეს ყველაფერი. სამართლიანია მორწმუნე ხალხის შიში, რომ აღნიშნულით თაობებს დავკარგავთ. მიდის გარყვნილების, სოდომური ცოდვის პროპაგანდა. მაგალითით ვიზრდებით ჩვენ. იმის მაგივრად, რომ სიყვარულით ვასწავლიდეთ მომავალ თაობებს, როგორი უნდა იყოს მართლმადიდებელი, სიბილწეს ეწევა პროპაგანდა. ფილმები უნდა გადაიღონ გმირობაზე, სიყვარულსა და თავგანწირვაზე. ფილმში „და ჩვენ ვიცეკვეთ” ნაჩვენებია, როგორ წვება კაცი კაცთან, როგორ კოცნიან ერთმანეთს. ახალგაზრდა ბიჭზე ეს ხომ ზეგავლენას მოახდენს“, – განაცხადა დეკანოზმა დავით რუხაძემ.

ქართული წარმოშობის შვედი რეჟისორის ლევან აკინის ფილმის „და ჩვენ ვიცეკვეთ“ (And Then We Danced) პრემიერა საქართველოში დღეს, 8 ნოემბერს გაიმართება.

 

ამავე თემაზე
იტვირთბა....