ახალი ამბები მთავარი საზოგადოება

“დღის ბოლოს გახდება ცნობილი, კორპუსი, სადაც აფეთქება მოხდა საცხოვრებლად ვარგისია თუ არა” – მერის მოადგილე

გურამიშვილის გამზირზე მისულმა თბილისის მერის მოადგილემ ილია ელოშვილმა ჟურნალისტებს განუცხადა, რომ კორპუსი, სადაც აფეთქება მოხდა, საცხოვრებლად ვარგისია თუ არა დღის ბოლოს გახდება ცნობილი.

როგორც ილია ელოშვილი განმარტავს, მას შემდეგ, რაც კორპუსის მდგრადობაზე ლაბორატორია დასკვნას გასცემს, მცხოვრებლებს საკუთარი ნივთების აღება შეეძლებათ.

„დაშავებულია 4 ადამიანი, აქედან ერთი მძიმედაა. რაც შეეხება მცხოვრებლებს, 77 ოჯახია ამ კორპუსში, ყველა ევაკურიებულია, გამგეობა მზადაა, დაჯავშნილია სასტუმროები, რომ დაუყოვნებლივ გაიყვანონ, ვინც ამის სურვილს გამოთქვამს. სამმა ოჯახმა უკვე გამოთქვა სურვილი და გადაყვანილია სასტუმროებში. რაც შეეხება შენობას, ჩვენი ლაბორატორიის მიერ მდგარდობაზე შემოწმება მიმდინარეობს. ამ პროცესში ასევე ჩაერთვება სამხარაულის ექსპერტიზის ეროვნული ბიურო. იმედი მაქვს, დღის ბოლომდე მოსახლეობას ვაცნობებთ, იქონია თუ არა უარყოფითი გავლენა აფეთქებამ შენობის კონსტრუქციულ მდგარდობაზე და შესაბამისად, ვიმოქმედებთ. როგორც კი ლაბორატორია იტყვის, რომ უსაფრთხოა ამ კორპუსში როგორც შესვლა, ასევე ცხოვრება, ამ შემთხვევაში მოხდება მცხოვრებლების დაშვება იმისთვის, რომ ან პირადი ნივთები გამოიტანონ, ან გააგრძელონ ცხოვრება“, – განაცხადა ელოშვილმა.

მისივე განცხადებით, აფეთქების შედეგად მიყენებული ზიანი მოსახლეობას აუნაზღაურდება.

„ვცდილობთ, რომ დღის ბოლომდე მაქსიმალურად გვქონდეს სურათი, რამდენად უსაფრთხოა შენობა, მაგრამ მნიშვნელობა არ აქვს, რამდენი ხანიც არ უნდა დასჭირდეს, გამგებობა მობილიზებულია და ყველა დაზარალებულს ექნება საშუალება, რომ დროებით სასტუმროებში გადავიდნენ. რაც შეეხება სამომავლოდ, ყველასთვის იქნება დახმარება აღმოჩენილი და ის ზიანი, რაც მათ მიადგათ, ანაზღაურებული იქნება. აფეთქება მეოთხე სართულზე მოხდა, ასევე გავლენა იქონია წინა სახლზე, ძირითადად, ქვედა სართულებია დაზიანებული“, – განაცხადა ილია ელოშვილმა.

შეგახსენებთ, რომ დღეს გამთენიისას, დილის 8 საათისთვის, თბილისში, გურამიშვილის 34 ნომერში 16-სართულიანი კორპუსის მე-4 სართულზე, სავარაუდოდ ბუნებრივი აირის გაჟონვის შედეგად, აფეთქება მე-4 სართულზე მოხდა, რის შედეგადაც რამდენიმე სართულზე საცხოვრებელი ბინების დაზიანება მოხდა.

ავიაბილეთები იაფად
იტვირთბა....