aviabiletebi
ახალი ამბები მთავარი პოლიტიკა

ილჰამ ალიევი გიორგი გახარიას საქართველოს პრემიერმინისტრის თანამდებობის დაკავებას ულოცავს

aviabiletebi
ავიაბილეთები

აზერბაიჯანის რესპუბლიკის პრეზიდენტი ილჰამ ალიევი გიორგი გახარიას საქართველოს პრემიერმინისტრის თანამდებობის დაკავებას ულოცავს.

პრემიერის პრესსამსახურის ინფორმაციით, აზერბაიჯანის პრეზიდენტი მილოცვაში ხაზს უსვამს ორი ქვეყნის ისტორიულ კეთილმეზობლურ და მეგობრულ ურთიერთობებს და საქართველოს პრემიერს წარმატებულ საქმიანობას უსურვებს.

„მჯერა, შესანიშნავ ტრადიციებზე დამყარებული ჩვენი ურთიერთობები და სტრატეგიული პარტნიორობა ჩვენი ხალხის ინტერესების შესაბამისად კვლავაც განვითარდება და განმტკიცდება. გისურვებთ წარმატებებს საქმიანობაში, მეგობარი ქართველი ხალხის საკეთილდღეოდ“, – აღნიშნულია ილჰამ ალიევის მილოცვაში, რომელიც საქართველოს პრემიერ-მინისტრმა აზერბაიჯანის რესპუბლიკიდან მიიღო.

იტვირთბა....