aviabiletebi
ახალი ამბები მთავარი სამართალი

შსს – პირი, რომელიც ოჯახის უფროსობის მოტივით, მეუღლეზე ძალადობდა და ის თვითმკვლელობამდე მიიყვანა, დაკავებულია

aviabiletebi
ავიაბილეთები

შინაგან საქმეთა სამინისტროს განცხადებით, პირი რომელსაც გენდერული დისკრიმინაციის მოტივით, მეუღლის თვითმკვლელობამდე მიყვანა ედება ბრალად, დაკავებულია.

უწყებაში ცნობით, იმ მოტივით, რომ იგი იყო ოჯახის უფროსი, თავის მეუღლეზე სისტემატურად ძალადობდა და ამცირებდა.

“საქართველოს შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა, ჩატარებული საგამოძიებო მოქმედებების შედეგად, გენდერული დისკრიმინაციის მოტივით მეუღლის თვითმკვლელობამდე მიყვანის ბრალდებით, 1964 წელს დაბადებული ლ.დ. დააკავეს.

გამოძიების ინფორმაციით, ბრალდებული, იმ მოტივით, რომ იგი იყო ოჯახის უფროსი, თავის მეუღლეზე სისტემატურად ძალადობდა და ამცირებდა. მიუხედავად ამისა, პოლიციისთვის დახმარების თხოვნით არასოდეს მიუმართავთ. მორიგ კონფლიქტს ადგილი ჰქონდა 2019 წლის 24 აგვისტოს, რის შემდეგაც ქალმა სიცოცხლე თვითმკვლელობით დაასრულა.

გამოძიება გენდერული ნიშნით ოჯახის წევრის თვითმკვლელობამდე მიყვანის ფაქტზე, საქართველოს სისხლის სამართლის კოდექსის 11 პრიმა 115-ე მუხლის მე-2 ნაწილის „ა“ ქვეპუნქტით მიმდინარეობს. დანაშაული სამიდან ექვს წლამდე თავისუფლების აღკვეთას ითვალისწინებს”. – ნათქვამია შსს-ს განცხადებაში.

იტვირთბა....