fbpx
ახალი ამბები მთავარი საზოგადოება

დავით ზალკალიანი გუგუტიანთკარის მოსახლეობას დახურულ კარს მიღმა შეხვდა

საგარეო საქმეთა მინისტრი, დავით ზალკალიანი გუგუტიანთკარის მოსახლეობას დახურულ კარს მიღმა შეხვდა.

როგორც მინისტრმა განმარტა, მოსახლეობას დახურულ ფორმატში იმიტომ შევხდა, რომ მსგავსი საკითხების პიარ მიზნებისთვის გამოყენება არ უყვარს.

„ჩემი სურვილი იყო, რომ ეს შეხვედრა მედიის გარეშე შემდგარიყო. არ მიყვარს, ასეთი საკითხების გამოყენება სხვადასხვა პიარული მიზნებისთვის. მინდოდა, რომ ამ ადამიანებს ძალიან ღიად და გულწრფელად ეთქვათ თავიანთი სათქმელი. ისინი იყვნენ ძალიან გულწრფელები და მადლიერი ვარ მათი, რომ გაგებით ეკიდებიან არსებულ სიტუაციას. მე მათ მივაწოდე ამომწურავი ინფორმაცია, იმ ქმედებებთან დაკავშირებით, რაც საგარეო საქმეთა სამინისტრომ განახორციელა. მათი თხოვნაც არის, რომ არ მოხდეს სიტუაციის ესკალაცია და გამწვავება.

მე მათ პირობა მივეცი, რომ მომავალშიც გავაგრძელებთ საერთაშორისო თანამეგობრობის ინფორმირებას. არის გარკვეული პრობლემები სოციალურ საკითხებთან დაკავშირებით. მე აქ პრემიერ-მინისტრის დავალებით ვიმყოფებოდი და აუცილებლად გადავცემ მას ამის შესახებ,“ – განაცხადა დავით ზალკალიანმა.

ჟურნალისტების კითხვაზე, შესაძლოა თუ არა, რომ სარწყავი წყლის რეზერვუარი უკანონო საზღვრის მიღმა აღმოჩნდეს, ზალკალიანმა უპასუხა, რომ ხელისუფლება ყველაფერს გააკეთებს, რათა ეს არ მოხდეს.

„ყველაფერს გავაკეთებთ იმისთვის, რომ ეს არ მოექცეს ოკუპირებულ ტერიტორიაზე. ამ ხალხს უნდა ჰქონდეს უფლება და საშუალება, რომ საკუთარ სასოფლო-სამეურნეო მიწების დამუშავებაზე წვდომა ჰქონდეთ. ამიტომ, რაც კი რესურსია ჩვენ ხელთ, ყველაფერს გავაკეთებთ იმისთვის, რომ მოსახლეობამ სარწყავი წყლით ისარგებლოს. ჩვენ მუდმივად პულსზე გვჭირავს ხელი, რომ აქ არსებული სიტუაცია არ გამოვიდეს კონტროლიდან,“ – განაცხადა დავით ზალკალიანმა.

სხვა ამბები

“ვერ დაადანაშაულებ სააკაშვილს, რომ ჩორჩანას საზღვარი მან დაადგინა” – ვოლსკი

newsadmin

ქართველი მოჭიდავე ბექა ლომთაძე მსოფლიო ჩემპიონია

newsadmin

დაშავებულია 100 ადამიანი – მიწისძვრა ალბანეთში

newsadmin

“საქართველოს რკინიგზა” ხვალიდან თბილისი-ბათუმის ერთ რეისს აუქმებს

newsadmin

“პრეზიდენტი თავად იყო უკმაყოფილო გადაწყვეტილებით, რომელიც მოამზადეს” – თალაკვაძე შეწყალების საქმეზე

newsadmin

“რეგულარულად ვვარჯიშობ, ძირითადად სირბილი და ტენისი” – თალაკვაძე

newsadmin
იტვირთბა....