fbpx
ახალი ამბები მთავარი საზოგადოება

“გულდასაწყვეტია, რომ „ხალხის რჩეული“, ნაცვლად კლუბთან გვერდში დგომისა, მის დაკნინებით ხართ დაკავებული” – “დინამო” რომან გოცირიძეს

თბილისის საფეხბურთო კლუბი „დინამო“ პოლიტიკური პარტია „ნაციონალური მოძრაობის“ ერთ-ერთ ლიდერს, პარლამენტის წევრს, რომან გოცირიძეს პასუხობს.

„ბატონო რომან, ტალახის სროლა და დადანაშაულება ძალიან მარტივია. რატომღაც, შეწუხდით და „დინამო“ თბილისის კრიტიკით დაკავდით, თუმცა თავი არ შეგიწუხებიათ და არ მოგიკითხავთ კლუბის წარმომადგენლებთან რა მოხდა. „დინამო“ მიიჩნევს რომ მის მიმართ განხორციელდა არასამრთლიანი სანქცია, რადგანაც ავადხსენებული ბანერი ბევრჯერ იყო გამოფენილი თამაშების დროს და ის არასდროს ჩათვლილა ფაშისტურ სიმბოლიკად, რამეთუ მასზე გამოსახულია 1988,ანუ ფანკლუბის დაარსების წელიწადი. ერთ რამეში კი მართალი ბრძანდებით, რომ ვიღაც ტვინგამორეცხილი ამ ბანერს იყენებს მე- 2 მსოფლიო ომში დაღუპული საბჭოთა ჯარისკაცების მემორიალთან აშკარად არამისაღები ჟესტით. „დინამო“ მიიჩნევს, რომ შესაძლოა ადგილი ჰქონდეს მიზანმიმართულ პროვოკაციას გუნდის წინააღმდეგ ძალზე მნიშვნელოვანი თამაშების წინ და მით უფრო გულდასაწყვეტია, რომ „ხალხის რჩეული“ ნაცვლად კლუბთან გვერდში დგომისა, მის დაკნინებით ხართ დაკავებული. „დინამო“ თბილისისთვის შეურაცხმყოფელია მის სახელთან ნებისმიერი ფაშისტური და ნაცისტური გამოვლინების დაკავშირება და კლუბი ემიჯნება მათ ნებისმიერ გამოვლინებას“, – ნათქვამია განცხადებაში.

ცნობისათვის, დეპუტატი რომან გოცირიძე სოციალურ ქსელში თბილისის “დინამოს” მიმართ უეფას მიერ დაწესებულ სასჯელს გამოეხმაურა.

“თბილისის “დინამო” უპასუხისმგებლოდ იქცევა. ნაცვლად იმისა, რომ ბოდიში მოიხადოს და დაგმოს გულშემატკივართა ნაწილის ფაშისტური გამოხდომები, ცდილობს, გაამართლოს ისინი. უეფამ არ მიიღო “დინამოს” სააპელაციო საჩივარი და ცარიელი ტრიბუნების ქვეშ მოუწევს საპასუხო თამაშის გამართვა. ქვემოთ ერთ-ერთი ბანერია გამოფენილი, რომლის შესახებაც “დინამოს” გულშემატკივართა კლუბი ამბობს, რომ ეს რიცხვები ამ კლუბის დაარსების თარიღია. სინამდვილეში რაც არის, მეორე ფოტოში ჩანს, სადაც ტვინგამორეცხილი ქართველი ნაცისტი დგას ჰიტლერის პოზაში.

მსგავსი ბანერის გვერდით. უეფამ, გარდა ბანერებისა, რასისტული შეძახილები და ჟესტებიც დააფიქსირა სტადიონზე. “დინამო” უეფამ დაავალდებულა, რომ უნდა გამოფინოს საპასუხო, ანტირასისტული ბანერი და გადაიხადოს 50 ათასი ევრო. ვნახოთ, როგორ მიმართავს თავის გზააბნეულ ქომაგებს და მოუხდის თუ არა ბოდიშს ყველას, ქართველებს თუ არაქართველებს და აღიარებს თუ არა იმ მორალურ ზიანს, რომელიც მიადგა ქვეყანას და რომელიც შეიძლება არ მომხდარიყო, მსგავსი ქმედებების პირველი გამოვლინებისთანავე რომ მიეღოთ შესაბამისი ზომები”, – წერს გოცირიძე.

სხვა ამბები

“აშშ-ის დეპარტამენტის განცხადებაში ზუსტი აქცენტებია გაკეთებული” – ზალკანიანი

newsadmin

გუგუტიანთკარის მკვიდრი: “პრემიერს ვეტყოდი – თქვენ თქვენთვისთვის ხართ და ხალხისთვის არა”

newsadmin

ნუკრი ქანთარია – მამუკა ხაზარაძე დუმდა, როცა ხალხს აწამებდნენ, ახლა დიდგულობს

newsadmin

” წერეთლის სამართლებრივი დევნა ქვეყანაში სიტყვის თავისუფლებაზე კითხვებს ამძაფრებს” – არასამთავრობოები

newsadmin

“ლაურა ღაჭავას არ აქვს იმის საშუალება, რომ გირაო შეიტანოს” – ადვოკატი

newsadmin

“ბევრმა ჟურნალისტმა გუშინ მიიღო ემოციური გადაწყვეტილება, რაც იმედი მაქვს, რომ მალე შეიცვლება”

newsadmin
იტვირთბა....