პარლამენტის დამოუკიდებელმა დეპუტატმა ლევან კობერიძემ “პალიტრანიუსის“ გადაცემა “ნიუსრუმში“ ლარის კურსთან დაკავშირებით განაცხადა, რომ ის შეფასებით, ლარის გაუფასურების პარლამენტთან მიმდინარე აქციებისთვის გადაბრალება არასერიოზულია და უპასუხისმგებლობას წარმოადგენს.
“როდესაც იმაზე ვსაუბრობთ, რომ ლარის კურსი თურმე ერთი დღის მოვლენებით იცვლება, ასეთი განცხადებებით ხელისუფლება ლარს უფრო მეტ ზიანს აყენებს, ვიდრე ის მოვლენები, რაც ამ ხნის განმავლობაში ვითარდებოდა. ლარი მთელი წინ განმავლობაში ნელ-ნელა, სტაბილურად უფასურდებოდა. ეს პროცესი განსაკუთრებით მაისის თვიდან დაიწყო, როცა მაისის დასაწყისში კურსი 2.7 იყო და მაისის ბოლო 2.8 გახდა. მხოლოდ მაისის თვეში ლარი 10 ერთეულით გაუფასურდა. სად იყო მაშინ 20 ივნისის მოვლენები?!
ვერ ვიტყვით იმას, რომ პოლიტიკური სიტუაცია ლარის კურსზე გავლენას არ ახდენს, მაგრამ ეს ყველაზე მთავარი არ არის. ყველაზე მთავარია ჯამური ეფექტი – სახელმწიფო თანხების არაყაირათიანი ხარჯვა. საპატრნიორო ფონდი წელსაც ზარალზეა. შემოსავლების სამსახურში იყო გამოძიება, ორი ადამიანია დაკავებული და დღგ-ს ნ ნაწილში 30 მილიონი ყალბი აქტივი იყო შექმილი. ეს ბიუჯეტიდან დაკარგული თანხებია. “აჭარა ბეთი“ რომ არ გაყიდულიყო, რეალურად კატასტროფას მივიღებდით“, – განაცხადა ლევან კობერიძემ.