დაკავებული ირაკლი ქრუაშვილის ადვოკატის, მამუკა ჭაბაშვილის, თქმით, ირაკლი ოქრუაშვილი მის დაკავებას „რუსთავი 2“-ის მიმართ გააქტიურებას უკავშირებს.
ჭაბაშვილმა განაცხადა, ტომ ოქრუაშვილმა შსს-ს მიერ გავრცელებული ვიდეოკადრები თავადა ნახა და იქ რაიმე სახით ძალადობრივი აქციის ორგანიზება სისულელედ მიაჩნია.
“ბრალდებულად დაკავების ოქმი გადმომეცა, ეს ხდება ამ ეტაპზე. ჯერ ბრალდება არ აქვს წარდგენილი, შესაბამისად, არც მასალები მიმიღია. თავად მის დაკავებას ის პირდაპირ უკავშირებს მის გააქტიურებას „რუსთავი 2“-თან დაკავშირებით და მხოლოდ და მხოლოდ მასთან და სხვა არაფერთან. როგორც თავად ამბობს, ძალიან შეაწუხა მან ბიძინა ივანიშვილი „რუსთავი 2“-ის თემით და არ იყო მოულოდნელი მისთვის ეს ამბავი. რაც შეეხება გავრცელებულ ვიდეომასალას, იმ კადრში, რომელიც თვითონაც ნახა, 500-მდე ადამიანი ჩანს, რომლებიც აქეთ-იქიდან ჭიდაობენ და მათ შორის არის, ირაკლი ოქრუაშვილიც. ეგ არის და ეგ. აბსურდული და სისულელეა ორგანიზება რაღაც ძალადობრივი აქციის“, – განაცხადა ადვოკატმა.
ირაკლი ოქრუაშვილი დღეს 20-21 ივნისის საქმეზე დღეს დააკავეს ბრალის დამტკიცების შემთხვევაში, მას 6-9 წლამდე პატიმრობა ემუქრება.
