ახალი ამბები მთავარი პოლიტიკა საზოგადოება სამართალი

“ოქრუაშვილი არის ელემენტარული მატყუარა, რომელიც თავად იგონებს ყველაფერს” – დვალი

ტელეკომპანია „რუსთავი 2“-ის ერთ-ერთი დამფუძნებელი, დავით დვალი, აცხადებს, რომ ის და ჯარჯი აქიმიძე ირაკლი ოქრუაშვილს არასდროს შეხვედრიან და მისგან არც ფული მიუღიათ.

დვალი ოქრუაშვილს “ელემენტარულ მატყუარას” უწოდებს და აღნიშნავს, რომ იგი ყველაფერს იგონებს.

„ოქრუაშვილს არაფერი არასდროს ჩვენთვის არ გადმოუცია. საერთოდ თვალით არ გვინახავს. არც შუამავლით. საერთოდ არაფერში მონაწილეობა არ მიუღია. ის არის ელემენტარული მატყუარა, რომელიც იგონებს ყველაფერს. საერთოდ არასდროს არ შევხვედრილვარ. რაც შეეხება თანხების გადაცემას და გადმოცემას, ამ დღეებში ჩვენს ჩვენებებს გავასაჯაროებთ მთლიანად, სადაც იქნება ამომწურავი ინფორმაცია. ეს თემა საიდუმლო არ არის. დეტალურად გამოვაქვეყნებთ ჩვენებას, რომ ჰქონდეს მაყურებელს, მსმენელსა და მოსახლეობას დასკვნის გამოტანის საშუალება. გუშინ და დღეს რაც ილაპარაკა ოქრუაშვილმა, არის მტკნარი სიცრუე ყველა თემაზე. ერთი დიდი მატყუარაა და ცდილობს, რომ ვითომ რაღაც როლი და ფუნქცია მიუძღვოდეს ამ პროცესში“, – განაცხადა დვალმა.

ავიაბილეთები იაფად
იტვირთბა....