"ერთი სპეცრაზმელის დაკავება ერთ პოლიციელზე ჯოხის გადატეხვაა" - ხოშტარია - Metronome.Ge
ახალი ამბები მთავარი პოლიტიკა საზოგადოება

“ერთი სპეცრაზმელის დაკავება ერთ პოლიციელზე ჯოხის გადატეხვაა” – ხოშტარია

ეს აქცია იქამდე არ დაიშლება, ვიდრე მიზანს არ მიაღწევენ, აქ კი პირველ რიგში გახარიას გადადგომის მოთხივნაა , – ამის შესახებ „ევროპული საქართველოს“ ერთ-ერთმა ლიდერმა, ელენე ხოშტარიამ, 20-21 ივნისის მოვლენებთან დაკავშირებით, შსს-ს თანამშრომლის დაკავებასთან დაკავშირებით ჟურნალისტებთან საუბრისას განაცხადა.

„უკვე 26 დღის განმავლობაში „ქართულ ოცნებას“ არანაირი ნება არ გამოუვლენია იმის, რომ რეალურად პასუხისმგებლობა იმაზე აიღოს, რაც მოხდა. ხელისუფლება პასუხისმგებლობიდან გაქცევის უტიფარ ხაზს აგრძელებს. ერთი სპეცრაზმელის დაკავება ეს ერთ პოლიციელზე ჯოხის გადატეხვას ჰგავს. აქ პირველ რიგში გახარიას გადადგომის მოთხივნაა და ამ საკითხის რეალურად შესწავლა. ამის პოლიტიკური ნება „ქართულ ოცნებას“ არ ეტყობა. ეს აქციები გაგრძელდება. აქციების სხვადასხვა ფორმაა ხალხმრავალი, უფრო მცირე, ძალიან კრეატიული და შინაარსობრივად დატვირთული. ხან გამოფენაა და ხან რაღაც კონცეფტუალური ბაზრობა. აქ ადამიანების განწყობა ძალიან მტკიცეა, რადგან ეს სამართლიანი მოთხოვნაა. ეს აქცია იქამდე არ დაიშლება, ვიდრე მიზანს არ მიაღწევენ“,- აღნიშნა ხოშტარიამ.

ცნობისათვის, საქართველოს გენერალური პროკურატურის ინფორმაციით, 20-21 ივნისის მოვლენებთან დაკავშირებით, შინაგან საქმეთა სამინისტროს ერთი თანამშრომელი დააკავეს.

ამავე თემაზე
იტვირთბა....