მთავარი ციტატა

“გული ამირია კალაძის განცხადებამ, რომ აქციაზე თურმე ვიხილეთ ძალის მოგერიება” – უგულავა

“ის, რაც 20 ივლისს მოხდა, არსად არ წავა, ვერ გაიწოვება. ვხედავთ, რომ ხელისუფლებას გასიგრძეგანებული არ აქვს ის ტრაგედია, რაც მოსახლეობას დამართეს იმ ღამეს. მე განცდა მაქვს, რომ ისინი საერთოდ მოწყვეტილნი არიან რეალობას. გული ამირია კალაძის განცხადებამ, რომ აქციაზე თურმე ვიხილეთ ძალის მოგერიება. ეს არის საშიში ხელისუფლება, ყველაზე სახიფათოა მსგავსად არაადეკვატური ხელისუფლება. “ქართული ოცნება”, ზოგადად, ძალიან უცნაური წარმონაქმნია, რომელიც საოცრად უტიფრად იქცევა”

ცნობისათვის, 20 ივლისის მოვლენების შეფასებისას თბილისის მერმა, კახი კალაძემ, განაცხადა, რომ ხელისუფლებამ განახორციელა აგრესიული ძალის მოგერიება და ეს აქციის ძალადოდბრივ დაშლა არ ყოფილა.

შეგახსენებთ, რომ 20 ივნისს პარლამენტში რუსი დეპუტატები იმყოფებობდნენ 26-ე მართმადიდებლობის საერთაშორისო ფორუმის ფარგლებში. რუსეთის დუმი-ს დეპუტატი სერგეი გავრილოვი პარლამენტის სავარძელშ აღმოჩნდა. ამას მოყვა აქციები, სადაც დეპუტატების საქართველოდან გაძევებასა და პარლამენტის თავმჯდომარის გადაყენებას ითხოვდნენ. აქცია რამდენიმე საათში პოლიციამ ცრემლსადენი გაზის, რეზინის ტყვიებისა და წყლის ჭავლის გამოყენებით დაშალა. მომდევნო დღეებში მოქალაქეები კვლავ შეიკრიბნენ და მათ სამი მთავარი მოთხოვნა ქონდათ – შს მინისტრის გიორგი გახარიას გადადგომა, პარლამენტის თავმჯდომარის ირაკლი კობახიძის გადადგომა და პროპორციული სისტემით არჩევნების ჩატარება. კობახიძის გადადგომის შედეგად კიდევ ერთი მოთხოვნა გაჩნდა – აქციის დღეს ყველა დაპატიმრებულის გათავისუფლება, რაც ამ დროისთვის შესრულებულია. ამის შემდეგ ირაკლი კობახიძემ თანამდებობა დატოვა. პარტიის თავმჯდომარემ ბიძინა ივანიშვილმა განაცხადა, რომ 2020 წლის არჩევენბი პროპორციული სისტემით გაიმართება. თუმცა, კიდევ ერთი მოთხოვნა – გახარიას გადადგომა არ დააკმაყოფილა მმართველმა გუნდმა. ამ დროისთვის აქციები კვლავ გრძელდება, რათა ბოლო მოთხოვნაც შესრულდეს. გახარიას გადადგომის მოთხოვნით შიმშილობენ სტუდენტებიც.

გიგი უგულავა, “ევროპული საქართველოს” ერთ-ერთი ლიდერი
“ტვ პირველის” ეთერი

ამავე თემაზე
ავიაბილეთები იაფად
იტვირთბა....