aviabiletebi
ახალი ამბები მთავარი პოლიტიკა

პრეზიდენტი: პოლიციელები აქციის ღამეს იყვნენ არნახული ძალადობის ქვეშ და ძალიან დიდხანს გაუძლეს ამ ძალადობას

aviabiletebi
ავიაბილეთები

საქართველოს პრეზიდენტის, სალომე ზურაბიშვილის განცხადებით, პოლიციელები 20 ივნისის აქციის ღამეს იყვნენ არნახული ძალადობის ქვეშ და ძალიან დიდხანს გაუძლეს ამ ძალადობას.

აღნიშნული განცხადება მან 0ათონელის სასახლეში, აქციის ღამეს გამოვლენილი მაღალი პროფესიონალიზმისთვის მედიკოსების ღირსების მედლებით დაჯილდოებისას გააკეთა.

„ეს დღეს არის განსაკუთრებული, მინდა, რომ ეს იყოს მადლობის თქმის დღე. 20-21 ივნისის ღამეს რუსთაველის გამზირზე ჯანდაცვის სფეროს წარმომადგენლებმა მთელი ღამის განმავლობაში თავდაუზოგავად იშრომეს. ჩვენს მოქალაქეებს სამედიცინო დახმარება დროულად აღმოუჩინეს და შეძლეს მათი გადაყვანა სამედიცინო დაწესებულებებში. მინდა, მათ დიდი მადლობა გადავუხადო მთელი საზოგადოების სახელით. ოპერაციებმა წარმატებით ჩაიარა, ექვსი პაციენტის შემთხვევაში, შეუნარჩუნდათ მხედველობა და ეს არის ძალიან მნიშვნელოვანი, რადგან ამ ახალგაზრდების თვალები, ეს არის ჩვენი მომავლის თვალები. სამწუხაროდ, რამდენიმე პაციენტის მდგომარეობა დღემდე რჩება მძიმე და ექიმები მათი გამოჯანმრთელებისთვის ყველაფერს აკეთებენ.

მინდა, ყველას მადლობა ვუთხრა. არ შემიძლია, არ ვახსენო ის ადამიანები, მაგალითად ჟურნალისტები, რომლებიც თავის პროფესიულ მოვალეობას ასრულებდნენ იმ ღამეს. მათ შორისაც არიან დაზარალებულები და მათ მიმართ მინდა, თანადგომა გამოვხატო. ასევე, პოლიციელების მიმართ, რომლებიც იმ ღამეს იყვნენ ასევე არნახული ძალადობის ქვეშ და ძალიან დიდხანს გაუძლეს ამ ძალადობას. აქ არ შევეხები იმ საკითხს, ძალის გადამეტება თუ მოხდა. ამის შესახებ მიმდინარეობს გამოძიება, გამოძიებისა და სასამართლოს საკითხია ეს და ვინც დასასჯელია, უნდა დაისაჯოს. მაგრამ, ეს არ უნდა გადავიდეს ყველა პოლიციელზე, რადგან ამ ქვეყანაში დემოკრატია არ იქნება, თუ არა ჟურნალისტები, სახელმწიფო არ იქნება, თუ არა სამართალდამცველები და საზოგადოება, არ იქნება, თუ არა თქვენ, ყველა“, – განაცხადა სალომე ზურაბიშვილმა.

იტვირთბა....