aviabiletebi
ახალი ამბები პოლიტიკა საზოგადოება სამართალი

პროპორციული სისტემა საზოგადოების განწყობას ყველაზე რეალურად ასახავს – ვახუშტი მენაბდე

aviabiletebi
ავიაბილეთები

0%-იანი ბარიერი, პირდაპირი მნიშვნელობით, არ არსებობს და ის ეყრდნობა ხმების მანდატებში გარდასახვის სპეციფიკურ ფორმულას, რომლის მიხედვითაც, საქართველოს შემთხვევაში დაახლოებით 0.67%-იანი ბარიერი გამოდის – ამის შესახებ კონსტიტუციონალისტმა ვახუშტი მენაბდემ, “ნეტგაზეთს” განუცხადა.

“ნულოვანი ბარიერი სიტყვა-სიტყვით ნიშნავს, რომ ერთი ხმა ერთ მანდატს ნიშნავს, რაც წარმომადგენლობით დემოკრატიაში შეუძლებელია. მაშინ რამდენი ამომრჩეველიცაა, იმხელა პარლამენტი უნდა გვქონდეს. ნულოვანი ბარიერს უფრო ზუსტად ბუნებრივ ბარიერს უწოდებენ და ის სპეციალური ფორმულით გამოითვლება. ეს არის მანდატების და ხმების პროცენტების ერთმანეთთან შერევა და საქართველოს შემთხვევაში გამოდის, რომ დაახლოებით 0.67% ნიშნავს თითო ხმას პარლამენტში. თავისთავად ეს საარჩვენო სისტემა ითვლება ერთ-ერთ ყველაზე დემოკრატიულ საარჩევნო სისტემად და ის უპირატესობა აქვს, რომ საზოგადოების განწყობებს ასახავს ზუსტად ისე, როგორც ის რეალურად არის ქვეყანაში”, – ამბობს მენაბდე.

მისი თქმით, ნულპროცენტიანი ბარიერი დაახლოებით ისეთივე შედეგების მომტანი სისტემაა, რომელითაც საქართველოში 1992 წლის არჩევნები ჩატარდა და აღნიშნული სისტემის უარყოფით მხარეს წარმოადგენს ის, რომ კოალიციური მთავრობების ფორმირება ძნელდება და ძალიან ბევრი წვრილი პარტია შედის პარლამენტში.

 

იტვირთბა....