.
საელჩოს მიერ გავრცელებულ განცხადებაში ნათქვამია, რომ LGBTQI თემის წევრები და მხარდამჭერები შაბათს, 22 ივნისს, თბილისში პრაიდის კვირეულის აღნიშვნას პრაიდით ან/და საჯარო ღონისძიებით გეგმავენ. როგორც განცხადებაშია აღნიშნული, წარსულში თემის წარმომადგენლებისა და აქტივისტების მსგავსმა საჯარო ღონისძიებამ კონტრდემონსტრანტების ცხარე და ზოგ შემთხვევაში ძალადობრივი პასუხი გამოიწვია და შესაბამისად, სასურველია, აშშ-ის სამთავრობო უწყებების თანამშრომლებმა თავი აარიდონ ისეთ ადგილებს, სადაც საზოგადოების ფართო მასები იკრიბებიან.
განცხადებაში რჩევების ჩამონათვალიც არის მოცემული:
- თავი აარიდეთ დემონსტრაციას;
- მიიღეთ უსაფრთხოების ზომები თუ მოხვდებით დიდ თავყრილობასთან ან საპორტესტო აქციასთან ახლოს;
- სიახლეების მისაღებად თვალი ადევნეთ ადგილობრივ მედიას;
- ითხოვეთ დახმარება.