aviabiletebi
ახალი ამბები მთავარი პოლიტიკა საზოგადოება

“თუკი ბესელია ისურვებს ჩვენთან თანამშრომლობას, სახალხო დამცველი გააკეთებს მაქსიმუმს” – ლომჯარია

aviabiletebi
ავიაბილეთები

თუკი დაზარალებული ისურვებს ჩვენთან მჭიდრო თანამშრომლობას, სახალხო დამცველი გააკეთებს მაქსიმუმს, რომ გამოძიება უფრო ეფექტურად წარიმართოს, – ასე უპასუხა სახალხო დამცველმა ნინო ლომჯარიამ ჟურნალისტების კითხვას, რატომ ჭიანურდება პარლამენტის წევრის ეკა ბესელიას პირადი ცხოვრების ამსახველი კადრების გავრცელების საქმეზე გამოძიება.

როგორც ლომჯარიამ აღნიშნა, სახალხო დამცველს გამოძიების მასალებზე წვდომა არ აქვს.

“ქალბატონ ეკა ბესელიას მინდა დღესაც გამოვუცხადო მხარდაჭერა და სოლიდარობა, მასაც და ნებისმიერ ადამიანს, ვის მიმართაც გავრცელდა ძალიან ბინძური ფორმებით პირადი ცხოვრების მასალები. თუმცა, დღემდე არ გვინახავს ამ ქვეყანაში არც ერთ საქმეზე, რომ დამდგარიყო ვინმეს პასუხიმგებლობის საკითხი პირადი ცხოვრების კადრების გასაჯაროების გამო. მოვუწოდებ კიდევ ერთხელ სამართალდამცავ ორგანოებს, თუკი არსებობს რაიმე ხელმოსაჭიდი საფუძველი, დროულად მოახდინონ რეაგირება. ასევე მივმართავ ქალბატონ ეკას, ჩვენ მზად ვართ დახმარებისთვის, თანამშრომლობისთვის. შეუძლია მან მოგვმართოს, მოგვაწოდოს ინფორმაცია და მაქსიმალურად ვეცდებით, რომ მოვახდინოთ ზეწოლა შესაბამის საგამოძიებო ორგანოებზე. თუკი დაზარალებული ისურვებს ამ შემთხვევაში ჩვენთან მჭიდრო თანამშრომლობას, სახალხო დამცველი გააკეთებს მაქსიმუმს, რომ გამოძიება უფრო ეფექტურად წარიმართოს”,- განაცხადა ლომჯარიამ.

იტვირთბა....