ხარაგაულში სტიქიისგან მიყენებულ ზარალს ითვლიან. ბოლო ერთი კვირის განმავლობაში უხვმა ნალექმა მუნიციპალიტეტი ორჯერ დააზარალა. უხვი ნალექის შედეგად ადიდდა მდინარეები, დაზიანებულია ინფრასტრუქტურა – გზები, ხიდები. დატბორილია სახნავ-სათესი მიწები, დახოცილია ფრინველი და პირუტყვი. ინფორმაციას ამის შესახებ საქართველოს პირველი არხი ავრცელებს
ჯამში, სტიქიის ზარალმა შესაძლოა, ხუთ მილიონ ლარს მიაღწიოს. შექმნილია კომისია, რომელიც ზარალს ამ დრომდე ითვლის. სტიქიის ზონაში სალიკვიდაციო სამუშაოები მიმდინარეობს, მობილიზებულია სპეციალური ტექნიკა.