fbpx
ახალი ამბები მთავარი პოლიტიკა

საარჩევნო პროცესის დროს სიძულვილის ენა კიდევ უფრო თვალშისაცემია, როდესაც კანდიდატი არის ქალი – წულუკიანი

საქართველოში საარჩევნო პროცესს თან ახლავს ემოციები და ამ ემოციებს შორის ყველაზე პრობლემატურია სიძულვილის ენის გამოყენება. ეს სიძულვილის ენა კიდევ უფრო თვალშისაცემია ხოლმე, როდესაც კანდიდატი არის ქალი- განაცხადა იუსტიციის მინისტრმა, თეა წულუკიანმა საარჩევნო საკითხებზე გამართული სამუშაო შეხვედრის შემდეგ.

„საერთაშორისო ორგანიზაციები, მათ შორის ოდირი-ც (ეუთო-ს დემოკრატიული ინსტიტუტებისა და ადამიანის უფლებების ოფისი), რომ არ იყვნენ, ჩვენ თვითონ ვხედავთ ქვეყანაში, საარჩევნო პროცესს თან ახლავს ემოციები და ამ ემოციებს შორის ყველაზე პრობლემატური გახლავთ სიძულვილის ენის გამოყენება სხვადასხვა კანდიდატთან მიმართებაში. ეს სიძულვილის ენა კიდევ უფრო თვალშისაცემია ხოლმე, როდესაც კანდიდატი არის ქალი. ჩვენ ვნახეთ შარშან არჩევნებზე, რომ რესპექტაბელური ასაკის მქონე ქალი კანდიდატის წინააღმდეგ, მამაკაცები და მეორე პარტიის კანდიდატი მამაკაცი იყენებდა სიძულვილის ენას. არ ვფიქრობ პრობლემა იყოს, თუ აქ გარკვეული, ძალიან ფრთხილი, ფაქიზი მიდგომის შედეგად შემუშავებული რეგულაციები იქნება და ბალანსი დაცული იქნება პირის უფლებებსა და გამოხატვის თავისუფლებას შორის“, – განაცხადა თეა წულუკიანმა.

მისი თქმით, აუცილებელია ეს საკითხი დარეგულირდეს, რათა არსებობდეს “წითელი ხაზები”.

„ეს უნდა გაკეთდეს, რათა არსებობდეს გარკვეული წითელი ხაზები, რა შეიძლება, გამოხატვის სახელით აკადრო და რა არ შეიძლება, აკადრო სხვა ინდივიდს, რომელსაც აქვს თავისი პირადი სივრცე“, – განაცხადა იუსტიციის მინისტრმა.

 

სხვა ამბები

“გლდანის ციხეში “უფროსობის” დავალებით ქურდული კორიდორი მომიწყვეს, დღეს ნიკას სახით მთელმა საქართველომ განიცადა ეს”

newsadmin

ლარს გრძელვადიან პერსპექტივაში საფრთხე არ უნდა დაემუქროს – თურნავა

newsadmin

“როცა ამ აქციას ნაცების აქციას ეძახით, რელაქსაციას იკეთებთ?” – კალატოზიშვილი

newsadmin

“პოლიტიკური სტაბილურობა, სიმშვიდე – ეს ის ფაქტორებია, რომლებიც ყოველთვის პოზიტიურად მოქმედებს ეკონომიკაზე” – თურნავა

newsadmin

“არა მხოლოდ ბატონი მელიაა დამნაშავე და ის განტევების ვაცია” – მარშანია

newsadmin

“მტკიცებულებათა წარმოდგენის უფრო მაღალი სტანდარტი უნდა არსებობდეს” – კაკულია

newsadmin
იტვირთბა....