ნაძალადევის რაიონში, სასწრაფო სამედიცინო დახმარების მანქანა საცხოვრებელ სახლს დაეჯახა. დაშავებულია სამი ადამიანი – მძღოლი და ორი ექიმი. მათივე ინფორმაციით, 2 დაშავებულის მდგომარეობა სტაბილურია, ერთის – სტაბილურად მძიმე. ინფორმაციას “ინტერპრესნიუსი” ავრცელებს.
“სახლში მყოფი პირებიდან არავინ დაზიანებულა, სასწრაფო სამედიცინო დახმარების მანქანაში არც პაციენტი იმყოფებოდა. გამოძახებაზე მიდიოდნენ. წინასწარი მოკვლევით, მძიმე მეტეოროლოგიური პირობების გამო მოხდა შემთხვევა წუხელ, გვიან საღამოს“, – განაცხადეს სასწრაფო დახმარებაში.