რა ფუჭდება იმით, თუ არ გადაიწევს განხილვა და ვისი ბრალია, რომ არასწორი გეგმა დაიდო. ეს უნდა გვითხრათ გარკვევით, ზოგადი სადღეგრძელობის გარეშე, – ამ კითხვებით დეპუტატმა გიგა ბოკერიამ დარგობრივი ეკონომიკის კომიტეტის სხდომაზე კომიტეტის თავმჯდომარეს რომან კაკულიას მიმართა მიწათსარგებლობის გენერალური გეგმის დამტკიცების ექვსი თვის ვადით გადაწევასთან დაკავშირებით.
„როგორ გამიცრუეთ იმედი. არ გაინტერესებთ ვისი ბრალია, რომ პარლამენტს აგდებულად ექცევიან?! ძალიან ცუდი. ახლა ორ კვირაში რომ ისევ შემოიტანონ კიდევ ერთი კანონი და კიდევ ოთხი თვით გაგვიგრძელეთო, თქვენ კითხვა არ გაგიჩნდებათ? თქვენ როგორც პარლამენტის წევრს, პოლიტიკური თავმოყვარეობის ამბავში ეს საკითხი არ შეგაწუხებთ?! ქუჩურ და კაცურ თავმოყვარეობაზე არ ვსაუბრობ“, – მიმართა ბოკერიამ რომან კაკულიას, რაზეც დეპუტატმა უპასუხა, რომ „თუმცა ეგეც საინტერესო იქნებიდა“.
„ვინც მაგრები ხართ ქუჩაში, იმათ ილაპარაკეთ ქუჩაზე, მე არ ვარ. მე პოლიტიკურ თავმოყვარეობაზე ვსაუბრობ მხოლოდ. ეგ რომანტიკა თქვენთვის დამითმია, მმართველი გუნდისთვის მთლიანად, ქუჩური და ქუჩა. მე მხოლოდ პოლიტიკურ თავმოყვარეობაზე მაქვს საუბარი კიდევ, რომ შეცვალონ ვადები, კიდევ გაუგრძელებთ?“- კვლავ შეკითხვით უპასუხა ბოკერიამ.
ამის შემდეგ კი კაკულიამ განაცხადა, რომ დარბაზში სხვადასხვა სახის „კოკა კოლაა“ წარმოდგენილი და, ვინც აღელვებულია, შეუძლია დალიოს.