"საქნახშირი": ტყიბულში ნახშირის მოპოვებითი სამუშაოები შეჩერებულია, რამდენჯერმე უნებართვო შეჭრას ჰქონდა ადგილი - Metronome.Ge
ახალი ამბები მთავარი საზოგადოება

“საქნახშირი”: ტყიბულში ნახშირის მოპოვებითი სამუშაოები შეჩერებულია, რამდენჯერმე უნებართვო შეჭრას ჰქონდა ადგილი

ტყიბულში, ქვა-ნახშირის კარიერში ქვა-ნახშირისა და მიწის მასის ქვეშ მოყოლილ მუშას ამ დრომდე ეძებენ. სამძებრო სამუშაოებში ჩართული ვერტმფრენიც.

როგორც “ინტერპრესნიუსს” „საქნახშირში“ განუცხადეს, 2018 წლის 16 ივლისის შემდეგ ტყიბულში ნახშირის მოპოვებითი სამუშაოები შეჩერებულია, შესაბამისად კომპანიამ შეაჩერა ყველა კონტრაქტორ და კერძო პირთან ხელშეკრულებები და მიმართა მათ საკუთრებაში არსებული ტექნიკა გაეტანათ, ასევე კომპანიამ მიმართა შესაბამის უწყებებს, რომ გაეკონტროლებინათ კერძო მოპოვების კარიერები, რათა არ მომხდარიყო უნებართვოდ შეჭრა და ნახშირის მოპოვება, რასაც რამდენჯერმე ჰქონდა ადგილი.

ამ დროისთვის ადგილზე, იმყოფებიან პოლიციის ეკიპაჟები და სასწრაფო-სამედიცინო დახმარების ჯგუფები.

შინაგან საქმეთა სამინისტროში “მეტრონომს” უთხრეს, რომ მომხდარზე მომხდარზე გამოძიება საქართველოს სსკ-ის 240-ე მუხლის მე-2 ნაწილით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

უწყების ცნობით, 112-ში შეტყობინების მიღებისთანავე, ადგილზე უმოკლეს დროში მოხდა იმერეთის მეხანძრე-მაშველთა ჯგუფებისა და სპეციალური ტექნიკის მობილიზება. სამაშველო ოპერაციაში დაუყოვნებლივ ჩაერთო სასაზღვრო პოლიციის ვერტმფრენი და განსაკუთრებულ საგანგებო სიტუაციებზე რეაგირების მთავარი სამმართველოს მაშველთა ჯგუფი.

ამავე თემაზე
იტვირთბა....