fbpx
ახალი ამბები მთავარი საზოგადოება

“საქართველოს ეროვნული ბანკი მხოლოდ თავის ინტერესებს იცავს” – პაპავა

ინფლაცია რომ წარმოვიდგინოთ, ეს არის ფასების საშუალო დონე სამომხმარებლო კალათაზე. ხოლო სამომხმარებლო კალათაში არის საინტერესო სიტუაცია, – ამის შესახებ დღეს ეკონომიკის ექსპერტმა, ლადო პაპავამ “პალიტრანიუსის” ეთერში ისაუბრა.

მისი თქმით, ლარის კურსის ვარდნის გამო, ფასების ზრდა იმპორტირებულ პროდუქციას შეეხება, სასურსათო კალათაში კი 80 პროცენტი იმპორტული საქონელია, ვითარების ასეთ პირობებში კი ეროვნული ბანკი მხოლოდ საკუთარ ინტერესებს იცავს.

„ეროვნული ბანკის ხელმძღვანელობამ დღეს გააკეთა განცხადება, რომ ლარის კურსს ინფლაციაზე ზეგავლენა არ აქვს. სასურსათი კომპონენტი არის 30 პროცენტი მთელი სამომხმარებლო კალათის მაშინ, როცა ჩვენნაირი ტიპის ქვეყნებში ყველგან 50 პროცენტია. ანუ, ეს ხელოვნურად არის დაწეული. ამის გამო, ის, რომ ტექნიკაზე ფასი არ შეიცვლება, ძვირადღირებულ საგნებზე ფასი არ შეიცვლება, პირიქით, შესაძლოა, გარკვეულწილად შემცირდეს კიდეც, ეს სულაც არ აღელვებს იმ მოსახლეობას, რომლისთვისაც რაღაც ძვირდება. ფასების ზრდა იქნება სწორედ იმ პროდუქტებზე, რომლის ძირითადი მომხმარებელია მოსახლეობა. სასურსათო კალათაში 80 პროცენტი იმპორტული საქონელია. სწორედ ეს სასურსათო კალათა აღელვებს შეჭირვებულ მოსახლეობას“, – განაცხადა პაპავამ.

პაპავა ამბობს, რომ საჭიროა, ეროვნულმა ბანკმა საკითხი უფრო კრიტიკულად შეაფასოს.

„მაგალითად, ჩეხეთმა შეცვალა ინფლაციის თარგეთირება და აქვს ინფლაციის ჰიბრიდული თარგეთირება, რაც იმას ნიშნავს, რომ ის უყურებს არა მხოლოდ ინფლაციას, არამედ გაცვლით კურსსაც. დამტკიცებულია გაცვლითი კურსის ზედა ჭერი და უყურებს რომ მას არ გადააჭარბოს და იღებს ზომებს. საქართველოს ეროვნული ბანკი მხოლოდ თავის ინტერესებს იცავს. ჩვენი ეროვნული ბანკი არის ფრიადოსანი მოწაფის დეონეზე რა დავალებაც აქვს მიღებული საერთაშორისო სავალუტო ფონდისგან, ის დაიზუთხა, დაიზეპირა და ხუთიანი მიიღო“, – დაამატა პაპავამ.

სხვა ამბები

22 სექტემბრამდე საქართველოში ტემპერატურის კლებაა მოსალოდნელი

newsadmin

“შემთხვევით არაფერი ხდება, არ არის შემთხვევითი, რომ საქართველო წილხვედრია ღვთისმშობლისა, შეგეწიოთ ღვთისმშობელ” – პატრიარქი

newsadmin

ფეიქრების ქუჩაზე, GWP-ის საწყობში ხანძარი ლიკვიდირებულია

newsadmin

ძლიერი ქარის გამო დოლიძის ქუჩაზე ორ მამაკაცს ხე დაეცა

newsadmin

“სირცხვილიას” ორგანიზატორებმა მანიფესტი და სამოქმედო გეგმა წარადგინეს

newsadmin

“20 ივნისი იყო ის წყალგამყოფი რომ გამოვსულიყავი და შევერთებოდი ამ არაჩვეულებრივ ხალხს”

newsadmin
იტვირთბა....