fbpx
ახალი ამბები მთავარი საზოგადოება

“ხალხმა უკეთ იცის სიმართლე” – ხულოს მაჟორიტარი სააკაშვილს პასუხობს

საქართველოს ყოფილი პრეზიდენტისა და ოდესის ოლქის ყოფილი გუბერნატორის, მიხეილ სააკაშვილის განცხადებას საქართველოს პარლამენტის წევრი, ხულოს, შუახევისა და ქედის მაჟორიტარი დეპუტატი ანზორ ბოლქვაძე პასუხობს.

სააკაშვილმა მიუნხენში ემიგრანტენთან შეხვედრის დროს ხულოს მაჟორიტარ დეპუტატზე საუბრისას 14 მაისს განაცხადა: „ფსიქიატრები რომ გაუქმდნენ ვიცი, მაგრამ ხულოს სამხატვრო გალერეა რა არის? სამხატვრო გალერეა და ხულო რა შუაში ერთმანეთთან?“. ამავე განცხადებაში მიხეილ სააკაშვილმა ანზორ ბოლქვაძე შეურაცხმყოფელი სიტყვებით მოიხსენია.

როგორც ანზორ ბოლქვაძე „ფეისბუქზე“ წერს, ხულოში სამხატვრო გალერეა 2003 წელს პირადად მან და თეიმურაზ კომახიძემ გახსნეს.

„2003 წელს, როდესაც მე ვეწეოდი სამეწარმეო საქმიანობას, ჩემს უფროს მეგობართან, ბატონ თეიმურაზ კომახიძესთან ერთად, რომელიც ჩემი სწავლის პერიოდში იყო ქ. ბათუმის ინდუსტრიული სასწავლებლის დირექტორი, აღნიშნული დროისთვის კი აჭარის ა.რ. კულტურის მინისტრი, გადავწყვიტეთ, სამხატვრო გალერეის გახსნა ხულოში. შევიძინეთ კომუნისტების დროინდელი, უმოქმედო მდგომარეობაში მყოფი რესტორნის ფართი 500 მ2. პირადად ჩემი და თეიმურაზ კომახიძის მიერ მოხდა მისი რესტავრაცია და გაიხსნა გამგეობის სტრუქტურულ ერთეულსა და ხულოს კულტურის ცენტრთან არსებული „ხულოს სამხატვრო გალერეა“, რომლის დირექტორად დაინიშნა საქართველოს მხატვართა კავშირის საპატიო წევრი, ცნობილი და დამსახურებული მხატვარი სიმონ ართმელაძე. სამხატვრო გალერეის გახსნისთანავე იქვე განთავსდა სამხატვრო სკოლა, სადაც პირველად სამი მოსწავლე სწავლობდა, დღეისათვის კი 70 მოსწავლე ეუფლება მხატვრობის საწყისებს და ამ სკოლის აღზრდილები დღეისათვის ქ. თბილისის სამხატვრო აკადემიის სტუდენტები არიან“, – წერს ანზორ ბოლქვაძე.

მისი თქმით, ხულოს გალერეაში ერთ სივრცეშია წარმოდგენილი თანამედროვე ქართული სახვითი ხელოვნების თითქმის ყველა მიმდინარეობა და იქ მისულ დამთვალიერებელს ექმნება სრულფასოვანი შთაბეჭდილება თანამედროვე ქართულ მხატვრობაზე.

„გალერეის შენობაში ეწყობა გამოფენები, იმართება ღონისძიებები, მიდის უამრავი ტურისტი და დამთვალიერებელი. იწერება შთაბეჭდილებები. ეს სივრცე წარმოაჩენს ჩვენი ხალხის შემოქმედებასა და ყოფით კულტურას. დასაქმებულია ოთხი ადამიანი, მათ შორის ერთი გახლავთ ჩემი მეუღლე, რომელიც ხელფასის სახით ღებულობს მინიმალურ ანაზღაურებას – 260 ლარს“, – აცხადებს ანზორ ბოლქვაძე.

მისივე თქმით, ხულოს სამხატვრო გალერეის გარდა, იმ პერიოდში მისი და თეიმურაზ კომახიძის მონაწილეობით რესტავრაცია ჩაუტარდა სხალთის შერიფ ხიმშიაშვილის სახელობის სახლ-მუზეუმს, ნიგაზეულისა და თხილვანის მხარეთმცოდნეობის მუზეუმებს.

„რესტავრაცია ჩაუტარდა ნიგაზეულში სელიმ ხიმშიაშვილის სასაფლაოს. ბაკოში, სერიყანაში დაიდგა თავისკვეთის მემორიალი, გაკეთდა ხიხანის ციხესთან ასასვლელი 1350 მ. სიგრძის ბილიკი, რომელიც დღესაც ციხესთან ერთადერთი ასასვლელია. ჩამოთვლილი ძეგლები დღეს ტურისტების ინტერესსა და აღფრთოვანებას იწვევს. ამ ყველაფერში ჩვენთან ერთად მონაწილეობას ღებულობდა ჩემი ხალხი, მათი შრომითა და ოფლით არის მოპოვებული ეს ყოველივე, ამიტომაც მათ უკეთ იციან სიმართლე და არიან სიტუაციის ყველაზე კარგი შემფასებლები“, – წერს ანზორ ბოლქვაძე „ფეისბუქზე“.

სხვა ამბები

გოგაშვილი – დღეს მე ვმოღვაწეობ პარტია “ქართულ ოცნებაში”

newsadmin

დავით-გარეჯი იყო, არის და იქნება საქართველო, მისი დამთმობი დაითმობა ქართველი ერის მიერ – მეუფე ზენონი

newsadmin

„რუსთავი 2“ სტრასბურგის სასამართლოში საქართველოს წარმომადგენელ ლადო ჭანტურიას აცილებას უცხადებს

newsadmin

დარსალია – სამუშაოები აზერბაიჯანის კონტროლირებად ტერიტორიებზე ხორციელდებოდა

newsadmin

120 დევნილი ოჯახი მცხეთაში, ახალაშენებულ კორპუსებში, ბინის მფლობელი გახდა

newsadmin

კურორტ გოდერძიზე ძლიერი სეტყვა მოვიდა (ვიდეო)

newsadmin
იტვირთბა....