aviabiletebi
ახალი ამბები მთავარი პოლიტიკა

“მაია მიმინოშვილი პარტიაში თავის გამოცდილებას გვიზიარებს” – ბახტაძე

aviabiletebi
ავიაბილეთები

საქართველოს პრემიერმინისტრმა, მამუკა ბახტაძემ, თბილისის საერთაშორისო აეროპორტში, ბრიუსელში გაგზავრებამდე, მაია მიმინოშვილის შესახებ ისაუბრა და აღნიშნა, რომ ის არის ძალიან მაღალი დონის პროფესიონალია და პარტიას კადრების დატრენინგებაში ეხმარება.

მისივე თქმით, პარტიის განახლება და ახალი სახეები ბუნებრივი პროცესია.

„ეს არის ძალიან ბუნებრივი პროცესი პარტიის განახლების, ამას მხოლოდ მივესალმები. ბოლო პერიოდში ეს საკითხი კიდევ უფრო მეტად აქტუალური გახდა ჩვენს პარტიაში. რაც შეეხება ქალბატონ მაიას, ის არის ძალიან მაღალი დონის პროფესიონალი და ის, ისევე როგორც რამდენიმე სხვა ექსპერტი, პარტიას ეხმარება კადრების დატრენინგებაშიგადამზადებაში და იმ გამოცდილებას გვიზიარებს, რაც ობიექტურად მას აქვს. რაც შეეხება პარტიის განახლებას და ახალ სახეებს, ეს არის სულ სხვა თემა და ეს არის პარტიაში მიმდინარე ბუნებრივი პროცესი“,- თქვა მამუკა ბახტაძემ.

ჟურნალისტების კითხვაზე, მაია მიმინოშვილი თუ პროფესიონალი იყო, რატომ გაათავისუფლა თანამდებობიდან განათლების, მეცნიერების, კულტურისა და სპორტის მინისტრმა მიხეილ ბატიაშვილმა, ბახტაძემ აღნიშნა, რომ არსებობს ახალი მისწრაფებები, ახალი მიზნები და აქედან გამომდინარე, სამინისტრო შესაბამის საკადრო პოლიტიკას ახორციელებს და ამ ორ საკითხს ერთამენთთან კავშირი არ აქვს.

ჟურნალისტებმა ბახტაძეს იმ ექსპერტების ვინაობა ჰკითხეს, ვინც მიმინოშვილთან ერთად კადრების გადამზადებაში არიან ჩართული.

„სხვა ადამიანების შესახებ, ვინც კადრების დატრენინგებასა და გადამზადებაში გვეხმარება, პარტია მოგაწვდით ინფორმაციას, ამაში დასამალი არაფერია. რაც შეეხება ქალბატონ მაიას მოღვაწეობას, მაია რამდენიმე წელი ხელმძღვანელობდა ცენტრს, ძალიან დიდი სამუშაო გასწია. ძალიან სერიოზული ფუნდამენტი შექმნა იმისთვის, რომ ეს ცენტრი გამხდარიყო ძალიან წარმატებული. ამასთან ერთად, არსებობს ახალი მისწრაფებები, ახალი მიზნები და აქედან გამომდინარე, სამინისტროც ახორციელებს თავის შესაბამის საკადრო პოლიტიკას და ამ ორ საკითხს ერთამენთთანნამდვილად კავშირი არ აქვს“, – განაცხადა ბახტაძემ.

 

იტვირთბა....