aviabiletebi
ახალი ამბები მთავარი საზოგადოება

ფოტოები ბიძინა ივანიშვილის მიერ კეთილმოწყობილი წვერმაღალას პარკიდან, რომელიც დღეს იხსნება 

aviabiletebi
ავიაბილეთები

“გურია ნიუსის“ ინფორმაციით, დღეს, ოზურგეთში, შეკვეთილთან, ახალი დასასვენებელი პარკი გაიხსნება.

პარკი, რომელიც ბიძინა ივანიშვილმა კეთილმოაწყო, ურეკსა და ოზურგეთს შორის, წვერმაღალას გზაზე მდებარეობს და იგი ყოველდღე, დილის 10-დან 19 საათამდე ღია იქნება ნებისმიერი მნახველისთვის.

თავის დროზე, ამ ტერიტორიაზე, ბიძინა ივანიშვილის დაფინანსებით, კიპარისები გაშენდა და დაჭაობებული ტერიტორიაზე დროთა განმავლობაში კორომები ჩამოყალიბდა.

„გურია ნიუსის“ ინფორმაციით, ამ ტერიტორიის ყიდვას, ბათუმელი ბიზნესმენი სავაჭრო ობიექტის ასაშენებლად აპირებდა, რისთვისაც არსებული 20 ძირი ჭაობის დიდი კვიპაროსი უნდა მოეჭრათ.

„როდესაც ბიძინა ივანიშვილმა ეს ამბავი გაიგო, მყიდველს ბევრად მეტი თანხა გადაუხადა, ტერიტორია გამოისყიდა და იქ პარკის გაშენება გადაწყვიტა. ამით მან ჭაობის ყველაზე დიდი კვიპაროსები გაჩეხვას გადაარჩინა. ეზო, რომელსაც წვერმაღალასკენ ასასვლელი გზა ორად ყოფდა, გააერთიანა და მოშორებით ახალი, ბეტონის გზა დააგო. იქ გზა მთლიანად იყო დანგრეული და ბეტონის საფარი გააკეთა. ბიძინა ივანიშვილი ამ ყველაფერში თავის დამსახურებას ყველაზე ნაკლებად ხედავს. ამბობს, რომ მთავარია შენარჩუნდა ამ ეზოს ძირითადი ხიბლი _ ის უნიკალური ჭაობის კვიპაროსები და ხეივანი, რომელიც იქ ბუნებრივად იყო შექმნილი” _ ყვებიან ადგილობრივები.

წვერმაღალას პარკის ტერიტორიაზე არსებულ ბაღში მდებარე პატარა ტბა გაფართოვდა, გარშემო დაირგო ტირიფები, ბამბუკები და სხვა ხე-მცენარეები. პარკი ორ იარუსიანია.

მეორე იარუსზე, დაახლოებით 50 მეტრ სიმაღლეზე, გაკეთდა ასასვლელი კიბეები, საიდანაც დამსვენებელს ზღვის პეიზაჟის ნახვა შეეძლება. პარკის მეორე დონეზე ახალი მანდარინების ბაღი გაშენდა, იქვეა დასასვენებელი სახლი და რამდენიმე ფანჩატური.

რაც შეეხება შეკვეთილის დიდ დენდროლოგიურ პარკს, რომელიც თავისი მასშტაბით უნიკალურია არა მხოლოდ საქართველოში, არამედ კავკასიის რეგიონში, როგორც ექსკლუზიურად გავარკვიეთ, მომავალ წელს გაიხსნება.

რაც შეეხება შეკვეთილის დიდ დენდროლოგიურ პარკს, რომელიც თავისი მასშტაბით უნიკალურია არა მხოლოდ საქართველოში, არამედ კავკასიის რეგიონში, როგორც ექსკლუზიურად გავარკვიეთ, მომავალ წელს გაიხსნება.

წყარო: გურია ნიუსი

ფოტოები: გურია ნიუსი 

 

 

იტვირთბა....