რუსული მედიის ინფორმაციით, ინგუშეთის ქალაქ კარაბულაკში რესტორნიდან დათვი გაიქცა, რის შემდეგაც ცხოველი ადამიანებს თავს დაესხა.
„დათვი ქალაქის პარკში მდებარე ერთ-ერთი კერძო რესტორნის ტერიტორიაზე, გალიაში ცხოვრობდა. იქ კიდევ რამდენიმე ცხოველი ჰყავთ“, – განაცხადეს კარაბულაკის ადმინისტრაციაში.
10 აპრილს დათვი კარაბულაკში ორ ადამიანს დაესხა თავს, შემდეგ კი ის პოლიციელებმა მოკლეს. ინგუშეთის ჯანდაცვის სამინისტროს ინფორმაციით, ერთ-ერთმა დაშავებულმა სერიოზული დაზიანებები მიიღო და ამჟამად საავადმყოფოში მკურნალობს, მეორე დაშავებული კი უკვე სახლში გაწერეს.