30 წელმა თვალის დახამხამებაში გაირბინა. ამ 30 წლის განმავლობაში ყველამ იცის საქართველოში, რა მოხდა 9 აპრილს. 9 აპრილს დაიღუპნენ ჩვენი გოგო-ბიჭები საქართველოს დამოუკიდებლობისათვის და ორი წლის შემდეგ, 1991 წლის 9 აპრილს, ზვიად გამსახურდიას მეთაურობით საქართველოს უზენაესმა საბჭომ გამოაცხადა დამოუკიდებლობა.
ეს არის ის შემთხვევა, როდესაც მოვიპოვეთ გამარჯვება, მართალია, მძიმე მსხვერპლის ფასად, მაგრამ ეს არის გამარჯვება, ვინაიდან ჩვენ დამოუკიდებელი ქვეყანა სწორედ 9 აპრილს დაღუპული გმირების წყალობით ვართ.
ეს არის ერის კონსოლიდაციის უპრეცედენტო მაგალითი, რომელიც 30 წლის წინ იყო. 9 აპრილს როგორც იყო საქართველო შეკრული, ასე ერთად შეკრული საქართველო ამის შემდეგ აღარ მახსოვს. იმედი მაქვს, ოდესმე, კიდევ იქნება
ზვიად ძიძიგური