fbpx
ახალი ამბები კულტურა მთავარი საზოგადოება

კახა კალაძე: ყველაფერს გავაკეთებთ იმისთვის, რომ დაგეგმილი პროექტებით ყველამ იამაყოს

თბილისის მერია ყველაფერს გააკეთებს იმისთვის, რომ მუნიციპალიტეტის მთავრობის მიერ დაგეგმილი პროექტებით ყველამ იამაყოს, – ამის შესახებ დედაქალაქის მერმა კახა კალაძემ კულტურის მიმართულებით განხორციელებული აქტივობების ანგარიშის პრეზენტაციის დროს განაცხადა.

დედაქალაქის მერიის კულტურის პოლიტიკის პრეზენტაცია კახა კალაძემ გახსნა და სფეროს წარმომადგენლებს მადლობა გადაუხადა.

„მადლობა იმ საქმიანობისთვის, რასაც წლების განმავლობაში ქვეყნისა და ხალხისთვის აკეთებთ. მინდა, გთხოვოთ დახმარება, თანადგომა, რადგან თქვენი როლი პროექტების განხორციელებაში უმნიშვნელოვანესია. ჩვენ შევქმენით სპეციალური პლატფორმები, რომლითაც საზოგადოებას შესაძლებლობას მივცემთ, სხვადასხვა წარმოდგენა და კონცერტი იხილოს. მე ერთ რამეს გპირდებით: რაც ჩვენზე – დედაქალაქის მთავრობაზეა დამოკიდებული, ყველაფერს გავაკეთებ. მე მჭირდება თქვენი მხარდაჭერა, რომ ერთიანი ძალისხმევით შევძლოთ, არსებულ გამოწვევებს ვუპასუხოთ. დარწმუნებული ვარ, ამ სულისკვეთებით შევძლებთ, ყველა პრობლემა მოვაგვაროთ“, – განაცხადა კახა კალაძემ.

თბილისის მერმა, ასევე, მადლობა მერის მოადგილე სოფიო ხუნწარიას და კულტურის საქალაქო სამსახურის თანამშრომლებს გადაუხადა.

„მიხარია, რომ მყავს ასეთი თანაგუნდელები, რადგან შეუძლებელია, მხოლოდ ერთმა ადამიანმა განახორციელოს ის, რასაც ამ წელიწადნახევრის განმავლობაში ვაკეთებთ. მადლობელი ვარ თითოეული თანამშრომლის შრომისთვის, იმისთვის, რასაც ისინი აკეთებენ, რათა ჩვენი დედაქალაქი წარმატებული და წინწასული იყოს“, – აღნიშნა კახა კალაძემ.

მისივე თქმით, თბილისის მერიისთვის 2019 წელი დედაქალაქის ბიუჯეტის მოცულობის თვალსაზრისით, განსაკუთრებულია.

„წლევანდელი ბიუჯეტი ერთ მლრდ ლარზე მეტი იქნება. წლევანდელი წელი განსაკუთრებული იქნება ინფრასტრუქტურული პროექტებით – ახალი ქუჩები, გზები, ქალაქის კეთილმოწყობა, დასუფთავება, გალამაზება, ამაზე ჩვენ ვიღებთ პასუხისმგებლობას. ყველაფერს გავაკეთებთ იმისთვის, რომ ეს ყველაფერი განვახორციელოთ და ყველამ იამაყოს იმ პროექტებით, რომელიც დაგეგმილი გვაქვს. ეს ის მიმართულებაა, სადაც ჩვენ, ყველას თქვენი თანადგომა და მხარდაჭერა გვჭირდება, რათა საზოგადოებას შევუქმნათ განწყობა, მივაწოდოთ სიახლეები – ეს იქნება შოუბიზნესის თუ სხვა მიმართულება. მზად ვართ, ყველაფერში გვერდში დაგიდგეთ, რათა თქვენი ჩანაფიქრები განახორციელოთ. ასევე, მზად ვართ, თქვენს იდეებს ფრთები შევასხათ და სამომავალოდ განვახორციელოთ“, – აღნიშნა თბილისის მერმა.

კულტურის პოლიტიკის პრეზენტაციას კულტურის სფეროს წარმომადგენლები და დარგის ექსპერტები, მერის მოადგილეები, საკრებულოსა და პარლამენტის დეპუტატები ესწრებოდნენ.

სხვა ამბები

პარლამენტთან აქციაზე პუტინის ბანერზე ფეხით გადაიარეს

newsadmin

“”25 წლის განმავლობაში პირველად გვაქვს 7-წლიანი უწყვეტი მშვიდობა და სტაბილურობა” – ღარიბაშვილი

newsadmin

“დიდი მსახიობი, დიდი ნიჭი, დიდი რეჟისორი და მოქალაქეობა სხვადასხვა რამეა” – კიკაბიძე

newsadmin

“ამ ხელისუფლებისთვის პრორუსული ძალები უფრო მნიშვნელოვანი აღმოჩნდა, ვიდრე თავისი მოქალაქეების სიცოცხლე და კეთილდღეობა” – თაბაგარი

newsadmin

“ქვეყანაში რევოლუციური სიტუაცია არ არის, ხელისუფლება თვითონ ცდილობს, ასეთი რამ შექმნას” – ხუხაშვილი

newsadmin

“ბატონმა ნიკა მელიამ კიტოვანობა მოინდომა და თავი განმათავისუფლებლად წარმოგვიჩინა” – ღარიბაშვილი

newsadmin
იტვირთბა....