fbpx
ახალი ამბები მთავარი საზოგადოება

სამშენებლო მასალებში, სურსათსა და სათამაშოებში ტყვიის მაღალი შემცველობაა 

სამშენებლო მასალებში, ასევე საყოფაცხოვრებო ნივთებსა და სურსათსა და სათამაშოებში ტყვიის მაღალი შემცველობა აღმოჩნდა.

არასამთავრობო ორგანიზაციების ინიციატივით, თბილისის სხვადასხვა უბანში, 300-მდე ყოველდღიური მოხმარების საგანს ჩაუტარდა ლაბორატორიული ანალიძი.

„ყოველ მეხუთე ნივთში, რომელთანაც შეხება აქვს მოსახლეობას, აღმოჩნდა ტყვიის ჭარბი რაოდენობა. სუნელში, ყვითელ ყვავილში 246-ჯერ მეტი იყო ნორმაზე ტყვიის შემცველობა, რაც მიუთითებს იმაზე, რომ სურსათის უვნებლობა ჯერ კიდევ ვერ მუშაობს ეფექტურად. 33 სინჯიდან 14-ში აღმოჩნდა ტყვია ჭარბი რაოდენობით. აღსანიშნავია ცემენტი, სამშენებლო ბლოკი, რომელიც ცემენტისგან არის დამზადებული, გაჯი, საღებავი, როგორც ინტერიერის კედლის, ასევე კარ-ფანჯრის საღებავი.ასევე აღმოჩნდა, კორიანი, რომელიც არის ხელოვნური ქვა“, – განაცხადა კვლევის ავტორმა, ნოდარ ყანდიაშვილმა.

ფიზიკის ინსტიტუტის მეცნიერ-თანამშრომელის, გურანდა ავქოფაშვილის განცხადებით, სამშენებლო მასალების შემდეგ, მოდის სათამაშოები, რომლითაც ბავშვები საკმაოდ ხშირად თამაშობენ.

“შემდეგ მოდის საკანცელარიო ნივთები. ტყვია აღმოაჩნდა ისეთ სათამაშოებში, როგორიცაა კუბიკ-რუბიკი, მეტალის მანქანები, რომელიც მალაიზიაშია დამზადებული, პლასტმასის მანქანაშიც აღმოჩნდა და პაზლებში. გოგოს თოჯინებში არ აღმოჩენილა”, – განაცხადა გურანდა ავქოფაშვილმა.

ჯანდაცვის მინისტრ დავით სერგეენკოს განცხადებით, ტყვიის შემცველობაზე Unicef-თან ერთად ერთობლივი კვლევა ახლახან დაასრულდა, რომლის შედეგებს, დაახლოებით, 2 კვირაში გაასაჯაროებენ.

ამავე თემაზე
იტვირთბა....