ახალი ამბები მთავარი საზოგადოება სპორტი

დღეს, კალაძე “ლივერპულისა” და “მილანის” მატჩში ითააშებს

საფეხბურთო კლუბების „ლივერპულისა“ და „მილანის“ ვეტერან ფებურთელებს შორის დღეს ამხანაგური მატჩი გაიმართება, რომელშიც თბილისის მერი და „მილანის“ ყოფილი მცველი კახა კალაძეც ითამაშებს.

როგორც კალაძემ აღნიშნა, მისთვის ძალიან სასიამოვნოა იმავე გრძნობის განცდა, რასაც წლების წინ საპასუხისმგებლო თამაშების წინ განიცდიდა.

თამაში ლივერპულში ენფილდის სტადიონზე გაიართება.

„ძალიან სასიამოვნოა, რომ მაქვს შესაძლებლობა, წლების შემდეგ, კიდევ ერთხელ განვიცადო ის გრძნობა, როდესაც საპასუხისმგებლო, მნიშვნელოვანი თამაშისთვის ემზადები. მიხარია, რომ ვხვდები ჩემს თანაგუნდელებს, მეგობრებს, რომლებთან ერთადაც 10 წელი გავატარე. ჩემს კარიერას „მილანში“ წარმატებულს დავარქმევდი. რისი მოგებაც შესაძლებელი იყო კლუბის დონეზე, ერთად ყველაფერი მოვიგეთ, თუმცა იყო ჩემპიონთა ლიგის ერთი რთული ფინალი, როდესაც 3:0 ვიგებდით. მეორე ტაიმში სამი ბურთი გაგვიტანეს, გაგვითანაბრეს და შემდეგ მცირედით დავმარცხდით. ეს შეხვედრა ზუსტად „ლივერპულთან“ იყო და თითოეულმა ჩვენგანმა ძალიან მძიმედ გადავიტანეთ. დღეს იმართება საქველმოქმედო მატჩი იგივე შემადგენლობით, როგორც 2007 წლის მატჩში. ძალიან კარგი განწყობაა, ყველა ბილეთი გაყიდულია და ვფიქრობ, გულშემატკივარი ისიამოვნებს“, – განაცხადა კახა კალაძემ.

ლეგენდების შეხვედრაში ასევე მონაწილეობას მიიღებენ ფეხბურთის ცნობილი ლეგენდები: პაოლო მალდინი, ალესანდრო ნესტა, კაფუ, ფილიპო ინძაგი, მაიკლ ოუენი, კაკა, ჯემი კარაგერი და სხვები.

აღნიშნული მატჩიდან შემოსული თანხა მთლიანად ქველმოქმედებას მოხმარდება.

სხვა ამბები

“შიდა კლანურ დაპირისპირებაში მან ვერ მოძებნა საკუთარი ადგილი და სწორედ ამას შეეწირა ის”

newsadmin

“ეს ადამიანი არის უფრო მეტად დამყოლი და უფრო მეტად არის შემჩნეული სხვადასხვა ოდიოზური ადამიანების ინტერესების ლობირებაში”

newsadmin

ელენე ხოშტარია: „ისინი ყველანი წარსულია და თუ მე წავაგებ, ბუა მოდის“

newsadmin

„რანაირად მოახერხა ივანიშვილმა, ქართველების გენეტიკური კოდის შეცვლა ასე, ეს ხომ არ არის ჩვეულებრივი რაღაც, რაც ხდება”

newsadmin

ეკონომიკის ახალმა მინისტრმა 2012 წელს ნაციონალურ მოძრაობას 35 ათასი შესწირა

newsadmin

რანაირად მოახერხა ივანიშვილმა, ქართველების გენეტიკური კოდის შეცვლა ასე – ივანიშვილი

newsadmin
იტვირთბა....