ახალი ამბები მთავარი პოლიტიკა

თამარ ხულორდავა: საოკუპაციო რეჟიმის წარმომადგენლებს არ გადმოუკვეთავთ საოკუპაციო ხაზი

“უპასუხისმგებლობაა, მნიშვნელოვან თემებზე ყოველგვარი სპეკულაციები და არასწორი ინფორმაციის გავრცელება”, – ამის შესახებ საქართველოს პარლამენტის ევროინტეგრაციის კომიტეტის თავმჯდომარემ, თამარ ხულორდავამ განაცხადა და აღნიშნა, რომ სოფელ ხურვალეთთან საგანგაშო არაფერი ხდება.

მისივე თქმით, საოკუპაციო რეჟიმის წარმომადგენლებს არ გადმოუკვეთავთ საოკუპაციო ხაზი.

„განგაშისთვის საფუძველი არ არსებობს. ოფიციალური ინფორმაციით, რომელიც ჩვენ გვაქვს ოფიციალური სტრუქტურების მხრიდან, ასევე იმ ინფორმაციით, რომელიც მიღებული გვაქვს ევროკავშირის სადამკვირვებლო მისიიდან, ეს ინფორმაცია არ დასტურდება. საოკუპაციო რეჟიმის წარმომადგენლებს არ გადმოუკვეთავთ საოკუპაციო ხაზი. ეს ინფორმაცია არ დასტურდება და ამ მხრივ განგაშის საფუძველი არ არსებობს. ჩვენი სამართალდამცავები ინფორმირებულები არიან, ასევე ჩართულები არიან საერთაშორისო პარტნიორები. ჟენევის მოლაპარაკებების თანათავმჯდომარეებიცინფორმირებულები არიან. ყველამ შევიკაოთ თავი უპასუხისმგებლო და დაუდასტურებელი ინფორმაციის გავრცელებისგან“, – განაცხადა ხულორდავამ.

ცნობისთვის,  გავრცელებული ინფორმაციის თანახმად, საოკუპაციო ხაზთან მდებარე სოფელ ხურვალეთთან, საქართველოს ცენტრალური ხელისუფლების კონტროლირებად ტერიტორიაზე რუსი სამხედროები იმყოფებოდნენ. აღნისნულ ინფორმაციას ადასტურებდა რამდენიმე ადგილობრივიც.

აღნიშნულ ინფორმაციას არ ადასტურებს არც სახელმწიფო უსაფრთხოების სამსახური და არც ევროკავშირის სადამკვირვებლო მისია.

გორის მერის, კონსტანტინე თავზარაშვილის გაცხადებით, სამი ნიღბიანი პირი დე ფაქტო ცხინვალის წარმომადგენლების მიერ 7 თებერვალს დამონტაჟებული სამეთვალყურეო კოშკურიდან დაახლოებით 10 მეტრის აქეთ საქართველოს ცენტრალური ხელისუფლების მიერ კონტროლირებად ტერიტორიაზე იმყოფება.

შემდგომში, გორის აღნიშნა, რომ საქართველოს კონტროლირებად ტერიტორიაზე ოკუპანტების შემოსვლის საშიშროება არ არსებობს.

“უბრალოდ სამი ნიღბიანი , ნიღბები უკეთიათ ხოლმე, დგანან ცოტა მოცილებით, სოფლის განაპირას. ჩვენი პოლიცია აკონტროლებს ტერიტორიას, დაძაბულობა არ არის. შეღობილი არ არის მანდ მავთულხლართებით და ერევათ ქართული ტერიტორიაა თუ — არა. უფრო სწორად იქეთა მხარეს უნდა იყვნენ” – განმარტა მერმა.

სხვა ამბები

“მიშას დროს უსასტიკესი დანაშაულები, პლუს სახელმწიფო ინსტიტუციების შენება იყო”

newsadmin

„ხაზარაძე, როგორც ბანკირი, შეიძლება არ იმსახურებდეს სოლოდარობას”..

newsadmin

სამეფო კარის თამაშების მე-8 სეზონის პოსტერი გამოქვეყნდა

newsadmin

მაია ცქიტიშვილი: ვაგრძელებთ მუშაობას, როგორც კონსორციუმთან, ასევე ბანკებთან

newsadmin

ოქრუაშვილი პრეზიდენტზე: იქნებ, შემდეგი წლების განმავლობაში, საერთოდ ხმა არ ამოიღოს და დადუმდეს

newsadmin

“თქვენ აპირებდით ორღობის გზის გაყვანას, ქართული რკინიგზის სტანდარტებით”

newsadmin
იტვირთბა....