fbpx
ახალი ამბები მთავარი საზოგადოება სამართალი

“განცხადებები, რომ ჯარში სისტემური პრობლემებია, ღიმილის მომგვრელია” – იზორია

საქართველოს თავდაცვის მინისტრმა, ლევან იზორიამ განაცხადა, რომ ჯარში პრობლემების არსებობაზე საუბარი ღიმილის მომგვრელია.

როგორც იზორიამ აღნიშნა, ინციდენტი მოხდა წვევამდელებს შორის, ხოლო დაზარალებულს, რომელსაც ჰქონდა გარკვეული დაზიანებები, არც ერთ მაკონტროლებელ ორგანოსთან არ უთქვამს, რამ გამოიწვია დაზიანებები.

„ორმა წვევამდელმა სხვა წვევამდელებზე განახორციელა ფიზიკური ზეწოლა და სურდათ სახელფასო ბარათების მოპოვება. დაზარალებულს, რომელსაც ჰქონდა გარკვეული დაზიანებები, არც ერთ მაკონტროლებელ ორგანოსთან არ უთქვამს, რამ გამოიწვია დაზიანება. ითხოვა გათავისუფლება და სწორედ შემდეგ გაუზიარა ოჯახის წევრებს. როგორც კი ეს ინფორმაცია მივიღეთ, ჩავატარეთ საგამოძიებო მოქმედებები. კატეგორიულად გამოვრიცხავ ოფიცრების მონაწილეობას. განცხადებები, თითქოსდა ეს საამაყო ინსტიტუტი 90-იან წლებს უბრუნდება, არის მარტივად რომ ვთქვათ, თითოეული საამაყო ჯარისკაცისთვის შეურაცხმყოფელი. ქართველი ჯარისკაცები ასეთ დაუმსახურებელ კრიტიკას ძალიან მგრძნობიარედ აღიქვამენ, რადგან მათ წლების განმავლობაში ყველაფერი გააკეთეს, რომ თავდაცვის ძალები იყოს ინსტიტუციურად ძლიერი და მსოფლიოში აღიარებული. როდესაც განცხადებები გვესმის, თითქოსდა სისტემური ხასიათი მიიღო ასეთმა შემთხვევებმა, არის ღიმილის მომგვრელი სწორედ მათთვის, ვინც აქ მსახურებდა და იციან რა პრობლემები არსებობდა ჯარში“, – განაცხადა იზორიამ.

შეგახსენებთ, რომ სასწავლო ცენტრ „კრწანისში“ ახალწვეულებს შორის დაპირპისპირება მოხდა, რაზეც სამხედრო პოლიციის დეპარტამენტში საქმე აღიძრა. დღეს სამხედრო პოლიციამ „კრწანისის“ სასწავლო ცენტრში ახალწვეულის მიმართ ფიზიკური ძალადობისა და გამოძალვის ფაქტზე ორი პირი დააკავა.

სხვა ამბები

გოგაშვილი – დღეს მე ვმოღვაწეობ პარტია “ქართულ ოცნებაში”

newsadmin

დავით-გარეჯი იყო, არის და იქნება საქართველო, მისი დამთმობი დაითმობა ქართველი ერის მიერ – მეუფე ზენონი

newsadmin

„რუსთავი 2“ სტრასბურგის სასამართლოში საქართველოს წარმომადგენელ ლადო ჭანტურიას აცილებას უცხადებს

newsadmin

დარსალია – სამუშაოები აზერბაიჯანის კონტროლირებად ტერიტორიებზე ხორციელდებოდა

newsadmin

120 დევნილი ოჯახი მცხეთაში, ახალაშენებულ კორპუსებში, ბინის მფლობელი გახდა

newsadmin

კურორტ გოდერძიზე ძლიერი სეტყვა მოვიდა (ვიდეო)

newsadmin
იტვირთბა....