ელენე ხოშტარია – „თიბისის“ საქმეზე გაჩნდა კითხვები, „ქართული ოცნება“ ამ კითხვებზე პასუხს არ სცემს

„ევროპული საქართველოს“ წევრის, ელენე ხოშტარიას განცხადებით, „თიბისი ბანკის“ საკითხზე პარლამენტის დროებითი საგამოძიებო კომისიის შექმნა მისი პარტიის ინიციატივაა, რადგან გაჩნდა კითხვები და „ქართული ოცნება“ ამ კითხვებზე პასუხს არ სცემს.

„ჩვენი ინიციატივაა, შეიქმნას კომისია, რადგან ის კითხვები და სისტემური დანაშაული, რაც გამოჩნდა ამ საქმეში, როგორიც არის ყველა სახელმწიფო სტრუქტურის ჩართვა ხაზარაძისა და ჯაფარიძის შანტაჟში, კითხვები, რომლის მიუხედავად, ხაზარაძე სად, როდის რას იტყვის და სად იქნება, სახელმწიფოში სერიოზული დემოკრატიული კრიზისის მაჩვენებელია. ერთადერთი გზა და რისთვისაც არსებობს პარლამენტი არის ის, რომ სწორედ ამ კითხვებზე მოითხოვოს პასუხი. „ქართული ოცნება“ ამ კითხვებზე პასუხს არ სცემს და პირიქით, ამ თემებზე უკბილოდ ხუმრობს. ან საერთოდ გაურბის პასუხებს ან სასახლეში სხედან ივანიშვილთან ერთად და რაღაცას გეგმავენ. საზოგადოებამ უნდა იცოდეს, რა ხდება ამ საქმეში და ამის ინსტრუმენტია სწორედ საგამოძიებო კომისია“, – განაცხადა ელენე ხოშტარიამ.

რეგლამენტის თანახმად, დროებითი საგამოძიებო კომისიის შექმნას 50 დეპუტატის მხარდაჭერა სჭირდება. ~