მმართველი პარტია პარლამენტში საკონსტიტუციო უმრავლესობას კარგავს.
საკონსტიტუციო უმრავლესობისთვის 150-წევრიან პარლამენტში „ქართულ ოცნებას” 113 დეპუტატი სჭირდება, დღეს კი მის შემადგენლობაში 112-ი დეპუტატია.
დღე და გუშინ საპარლამენტო უმრავლესობა 3-მა დეპუტატმა – ლევან გოგიჩაიშვილმა, ეკა ბესელიამ და ბექა ნაცვლიშვილმა დატოვეს. სავარაუდოდ, უმრავლესობას ორშაბათს, ბრიფინგის შემდეგ დატოვებს გედევან ფოფხაძეც, თუმცა მას ამის შესახებ ოფიციალური განცხადება ჯერ არ გაუკეთებია.