საბანკო ასოციაციის ხელმძღვანელის, ალექსანდრე ძნელაძის განცხადებით, იპოთეკური სესხების გაცემა მნიშვნელოვნად შემცირდა, რაც რეგულაციებს უკავშირდება.
თუმცა, როგორც მან “საქმის კურსთან” საუბრისას აღნიშნა, ეს შესაძლოა, იანვრის თვესაც უკავშიირდებოდეს, რომელიც არაპროგნოზირებადობით და პასიურობით ხასიათდება.
“საუბარი იქამდე, ვიდრე მონაცემები არ მექნება, გამიჭირდება, თუმცა ცალსახად გიდასტურებთ, რომ იპოთეკური სესხები შემცირებულია და ასევე შემცირებულია განვადებები, თუმცა ეს მოსალოდნელიც იყო და ამაზე რეგულაციების ძალაში შესვლამდეც ღიად ვსაუბრობდით”, – აცხადებს ძნელაძე.