გაგრის ერთ-ერთ რაიონში აუდის მარკის ავტომანქანა აფეთქდა. 15 იანვარს, 16:25 სთ-ზე მომხდარი შემთხვევის შედეგად ავტომანქანის მფლობელი, რუსი ბიზნესმენი, მიხაილ ევალენკო დაშავდა. ის აფხაზეთში ცხოვრობდა და წლების განმავლობაში ბიზნეს საქმიანობას ეწეოდა.
გაგრის ე.წ. პროკურატურის ინფორმაციით, მომხდარზე მიმდინარეობს საგამოძიებო მოქმედებები, სისხლის სამართლის საქმე კი მკვლელობის მცდელობის მუხლით აღიძრა.
დაშავებულ ბიზნესმენს ოპერაცია სოჭში ჩაუტარეს, მისი მდგომარეობა ამ დრომდე მძიმეა.