ახალი ამბები მთავარი საზოგადოება

გრიპის საწინააღმდეგო მედიკამენტი “ტამიფლუ” ოთხ სააფთიაქო ქსელს გადაეცა

ანტივირუსული პრეპარატი „ტამიფლუ“, დღეიდან თბილისის მასშტაბით ოთხ სააფთიაქო ქსელში – „პე-ეს-პეში“, „ავერსში“, „ჯი-პი-სისა“ და „ფარმადეპოში“ გაიყიდება.

კონკრეტულად რომელ ფილიალებში გაიყიდება პრეპარატი, ამის გასაგებად მოქალაქეებმა ჯანდაცვის სამინისტროს ან აფთიაქის ცხელ ხაზზე უნდა დარეკონ.

საქართველოს ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის დირექტორის მოადგილის, დავით ტორუას განცხადებით, ჯანდაცვის სამინისტრომ გადაწყვეტილება მიიღო, თავისი მარაგებიდან პრეპარატი აფთიაქებში დაერიგებინა.

„800 კოლოფი არის გადანაწილებული. დილით რაიონებშიც მოხდება აღნიშნული პრეპარატის გადანაწილება და ის დეფიციტი, რომელიც იყო, აღმოიფხვრება. გარდა ამისა, ჯანდაცვის სამინისტროს აქვს უფასო მედიკამენტები კონკრეტული ჯგუფებისთვის – ორსულებისთვის, სოციალურად დაუცველებისთვის, ბავშვებისთვის, პენსიონერებისთვის და მათთვის, ვისაც აქვს დიაბეტი, გულსისხლძარღვთა, ონკოლოგიური თუ სასუნთქი გზების დაავადებები“, – განაცხადა დავით ტორუამ.

შეგახსენებთ, რომ „ტამიფლუს“ მარაგები ქვეყანაში 10 იანვრიდან შეივსება. პრეპარატ „ტამიფლუს“ მიღება მხოლოდ ექიმის დანიშნულებით არის ნებადართული.

ავიაბილეთები იაფად
იტვირთბა....

სხვა ამბები

თბილისში მედიამენეჯერების, აქტივისტებისა და პოლიტიკოსების საწინააღმდეგო პლაკატები გამოჩნდა

ვაშაძე მელიასა და ხოშტარიაზე: წარმატებებს ვუსურვებ მათ, უბრალოდ, განსხვავებული გზა გვაქვს

დეგნანი – „ფაიზერის“ ნახევარი მილიონი დოზა არის საჩუქარი პრეზიდენტ ბაიდენისა და ამერიკის მთავრობისგან ქართველი ხალხისთვის, ნიშნად ჩვენი მეგობრობისა

გამოვლინდა ინფიცირების 2 617 ახალი შემთხვევა, გარდაიცვალა 9 პაციენტი

ღარიბაშვილი: ნახევარი მილიონი დოზა ფაიზერი საქართველოშია, მადლობა პრეზიდენტ ბაიდენს, მადლობა ამერიკელ ხალხს

ფაიზერის 500 000 დოზა თბილისში