ბრისბენში ATP-ის საჩოგბურთო ტურნირზე, სადაც დღეს მეოთხედფინალში მსოფლიო რეიტინგის 21-ე ჩოგანმა, ბულგარელმა გრიგორ დიმიტროვმა, იაპონელ კეი ნიშიკორისთან წააგო და საუკეთესო ოცეულის მიღმა დარჩა.
აქედან გამომდინარე საქართველოს ნომერ პირველი ჩოგანი ნიკოლოზ ბასილაშვილი მსოფლიო რეიტინგის ოცეულში ოფიციალურად შევიდა, რადგან მხოლოდ ბულგარელი სპორტსმენი იყო, რომელსაც წარმატების შემთხვევაში ქართველი ჩოგბურთელის გადასწრება შეეძლო.
შეგახსენებთ, რომ დღეს, თბილისის დროით 18.00 საათზე, დოჰას 250-იანი სერიის ტურნირზე, ნიკოლოზ ბასილაშვილი მსოფლიოს პირველ ნომერს, სერბ ნოვაკ ჯოკოვიჩს დაუპირისპირდება.