ახალი ამბები მთავარი საზოგადოება

“დედაენის დაბრუნება არის სიბრიყვე და იაფფასიანი პოპულიზმი” – ბაია პატარაია

ბაია პატარაია სოციალურ ქსელში, დედა ენის სკოლებში დაბრუნებას გაოეხმაურა.

როგორც მან აღნიშნა, დღეს ის დედაენა აღარც თანამედროვეა და აღარც ახლებური.

“გოგებაშვილს ეს რომ ესმოდეს, გულიც გაუსკდება – რამ გამოგათაყვანათ მთელი ერიო. დედა ენა იმ დროს საუკეთესო იმიტომ იყო, რომ ძალიან თანამედროვე და ახლებური იყო. დღეს ის დედაენა აღარც თანამედროვეა და აღარც ახლებური. ჩვენ კიდევ ვაკანონებთ, რომ წერა-კითხვა 21 საუკუნის ბავშვებმა 100 წლის წინანდელი წიგნით უნდა ისწავლონ. ეს არც გოგებაშვილის პატივისცემაა და არც სამშობლოს სიყვარული. ეს არის სიბრიყვე და იაფფასიანი პოპულიზმი.

აქვე ვიტყვი, რომ ბავშვების სახელმძღვანელოების უმეტესობა არის კატასტროფულად ცუდი. ამ წიგნებს წერს ხალხი, რომლებსაც არ უყვართ ბავშვები და არ მუშაობენ მათ განსანათლებლად. ისინი უბრალოდ ფულის საშოვნელად ადგენენ წიგნებს და არიან უნიჭოები. ამაზეც გული დასწყდებოდა იაკობს, რადგან მან ბავშვების სიყვარულით დაწერა მაშინ “დედა ენა”. დღეს, ინტერნეტის ეპოქაში, სადაც ხელმისაწვდომია ლამის მთელი მსოფლიოს ცოდნა, ქართველები ისეთ სახელმძღვანელოებს წერენ, ბავშვს რომ სწავლა შესძულდება. მე ვკითხულობ ხოლმე ჩემი შვილის ისტორიის და ბუნების წიგნებს და ვუთანაგრძნობ, რომ ამ ბოდვის დამახსოვრებას სთხოვენ ბავშვს.

იმის ნაცვლად ხელისუფლება უკეთესი სახელმძღვანელოების დაწერას უწყობდეს ხელს, 100 წლის წინანდელ წიგნს სავალდებულოს ხდიან. საერთოდ, როგორ ვარსებობთ, არ ვიცი, შეცდომები, შეცდომები, შეცდომები, ფსევდო-პატრიოტიზმი და საკუთარი ხალხის არსიყვარულია გარშემო, პლუს საშინელი უგუნურობა და უტვინობა.
იაკობ გოგებაშვილის სულო, გვიშველე…” – წერს ბაია პატარაია სოციალურ ქსელში.

შეგახსენებთ, რომ საქართველოს პარლამენტის საფინანსო-საბიუჯეტო და განათლების, მეცნიერებისა და კულტურის კომიტეტებმა მხარი დაუჭირეს დედა ენის სკოლებში დაბრუნებას ინიციატივას, რომელიც პარლამენტის წევრებმა, ზაზა გაბუნიამ და მარიამ ჯაშმა წარადგინეს.

საკანონმდებლო ინიციატივის მიხედვით,  საქართველოს განათლების, მეცნიერების, კულტურისა და სპორტის სამინისტრო, ექსპერტთა საბჭოს მეშვეობით, ქართულ საანბანე სახელმძღვანელოს შედგენს იაკობ გოგებაშვილისეული მეთოდით, მოამზადებს და დაბეჭდავს სასწავლო პროცესისთვის.

სხვა ამბები

“კობახიძეა იმ რეჟიმის სამართალმემკვიდრე, რომელმაც გირგვლიანი მოკლა”

newsadmin

პროკურორი: “მალხაზ ბექაურს სასამართლომ უვადო პატიმრობა უნდა განუსაზღვროს”

newsadmin

ხელისუფლებას სოც. სამსახურის მნიშვნელობა არ ესმის – დოლიძე სოც. მუშაკებს სოლიდარობას უცხადებს (ვიდეო)

newsadmin

სმიტების ოჯახის მკვლელობაში ბრალდებულს მსაჯულებმა გამამტყუნებელი ვერდიქტი გამოუტანეს

newsadmin

უგულავა სააკაშვილს – გამიხარდება თუ კარგად იქნები და მკვდართან შეჯიბრი არ მომიწევს

newsadmin

სააკაშვილი უგულავას – მკვდარი უფრო კარგ ფორმაში ვიქნები, ვიდრე შენ შემდეგი 100 წელი

newsadmin
იტვირთბა....