aviabiletebi
ახალი ამბები მთავარი პოლიტიკა

კვიციანი: არავის არავისთვის ხელი არ დაურტყამს, იყო ჯიკავი

aviabiletebi
ავიაბილეთები

“ირმა ინაშვილი ძალიან სწორად მოიქცა”, – ამის შესახებ „პატრიოტთა ალიანსის“ წევრმა, ემზარ კვიციანმა  საქართველოს პარლამენტში მომხდარ დაპირისპირებაზე საუბრისას განაცხადა.

მისი თქმით, ირმა ინაშვილს განცხადების გაკეთების საშუალებას არ აძლევდნენ.

„ეს პარლამენტია და ასე არ უნდა ვიქცეოდეთ, როგორც გუშინ, მაგრამ ამ ყველაფრის ბრალია ის, რომ პარლამენტში სხედან „ნაციონალები“. ადამიანები, რომლებიც აწამებდნენ და აუპატიურებდნენ ხალხს. მათთან ერთად გვიწევს ჯდომა, ეს კოაბიტაციის ბრალია. ირმა ძალიან სწორად მოიქცა, არ აძლევდნენ განცხადების გაკეთების საშუალებას. არავის არავისთვის ხელი არ დაურტყამს, იყო ჯიკავი, ეს არც პირველი შემთხვევა ყოფილა საქართველოში და არც ბოლო იქნება. არ არის ეს ლამაზი ქცევა. პარლამენტმა უნდა განიხილოს ჩვენი რეზოლუცია „ნაციონალების“ გასამართლებაზე და ყველაფერი გამოსწორდება. ჟურნალისტები და განსაკუთრებით, მოღალატე „რუსთავი 2“ აცოცხლებთ „ნაციონალების“ სექტას, რომელიც თავს მოგვახვია უცხოეთის სპეცსამსახურებმა. ერისა და ქვეყნის წინაშეა მოღალატე „რუსთავი 2“ და ნიკა გვარამია“, – განაცხადა ემზარ კვიციანმა. საქართველოს პარლამენტში გუშინ ფიზიკური და სიტყვიერი დაპირისპირება მოხდა. ერთმანეთს „ნაციონალური მოძრაობის“ დეპუტატი ნიკა მელია და „პატრიოტთა ალიანსის“ წევრი ირმა ინაშვილი დაუპირისპირდნენ.

იტვირთბა....