„ეს არ იყო და არ არის ლეგიტიმური არჩევნები და მე არასდროს არ ვაღიარებ ბიძინა ივანიშვილს. დღევანდელი დღიდან ბიძინა ივანიშვილი აღარ არის ლეგიტიმური მმართველი საქართველოსი. ქართულ საზოგადოებას მოვუწოდებ, არ აღიაროს ამ არჩევნების შედეგები. დემოკრატიულ პროცესთან არანაირ კავშირში არ არის იმიტომ, რომ დგება მომენტები ყველა ერის ისტორიაში, როდესაც იმ პირობებში, როცა კრიმინალი მთლიანად შეერწყა ხელისუფლებას, როდესაც მთავარი მძარცველი მოაჯდა თავზე ყველა სახელმწიფო ინსტიტუტს, აკონტროლებს უკლებლივ ყველა პროცესს, დგება მომენტი, როცა საზოგადოებამ უნდა აიღოს კანონის დაცვა, კონსტიტუციის და თავისი თავისუფლების საკუთარ ხელში. ხვალინდელი დღიდან, მიუხედავად შედეგისა, ჩვენ გადავდივართ მასობრივ დაუმორჩილებლობის მოძრაობაზე. მე მოვუწოდებ პოლიციას დადგეს ხალხის მხარეს. მოვუწოდებ შეიარაღებულ ძალებს არ შეასრულოს უკანონო ბრძანებები. ხვალინდელი დღიდან საქართველოს მთელი მასშტაბით ვიწყებთ მასობრივ ქმედებებს, სამოქალაქო მშვიდობიან დაუმორჩილებლობას. სირცხვილია ქართველ ხალხს ეს ტლუ ავადმყოფი მართავდეს”, – ამის შესახებ მიხეილ სააკაშვილმა “რუსთვი 2-ის” ეთერში ეგზიტპოლების შეფასებისას განაცხადა.
შეგახსენებთ, რომ “იმედისა” და “რუსთავი 2-ის” ეგზიტპოლებით არჩევნებს სალომე ზურაბიშვილი იგებს.