„საშუალო და მცირე მანძილეზე მოქმედი რაკეტების ლიკვიდაციის შესახებ შეთანხების“ დარღვევაში რუსეთს გერმანიის კანცლერი, ანგელა მერკელი ადანაშაულებს.
გერმანიის მთავრობის მეთაურმა დანიის პრემიერ-მინისტრთან ერთად გამართულ პრესკონფერენციაზე განაცხადა, რომ მოსკოვი აღნიშნულ ხელშერკულებას უკვე დიდი ხანია არ ასრულებს.
საქმე ეხება ჩვენს უსაფრთხოებას. ახლა უნდა გადავწყვიტოთ, როგორ მოვიქცეთ“, – განაცხადა მერკელმა.
მანამდე, „საშუალო და მცირე მანძილზე მოქმედი რაკეტების ლიკვიდაციის შესახებ“ შეთანხმების დარღვევაში რუსეთი აშშ-ის პრეზიდენტმა დაადანაშაულა და ამ ხელშეკრულებიდან აშშ-ის გასვლით დაიმუქრა.
მოგვიანებით, დონალდ ტრამპის ბრალდება ნატო-ს გენერალურმა მდივანმაც გაიმეორა.
„საშუალო და მცირე მანძილზე მოქმედი რაკეტების ლიკვიდაციის შესახებ“ შეთანხმება 1987 წელს საბჭოთა კავშირსა და აშშ-ის შორის გაფორმდა.
ხელშეკრულების მიხედვით, მხარეებს ეკრძალებათ 1000-დან 5500 კილომეტრამდე და 500-დან 1000 კილომეტრამდე რადიუსზე მოქმედი რაკეტების წარმოება, გამოყენება და შენახვა.