ახალი ამბები მთავარი პოლიტიკა სამართალი

კვიციანი: ჰააგის სასამართლოში სამხედროების პასუხისმგებლობის საკითხი არ დადგება

„პატრიოტთა ალიანსის“ წევრის, ემზარ კვიციანის განცხადებით, ჰააგის სასამართლო პროცესზე სამხედრო პირების პასუხისმგებლობის საკითხი არ დადგება, რადგან სამხედრო ვალდებულია, ბრძანება შეასრულოს.

დეპუტატის განმარტებით, ყველაფერზე უმაღლესი მთავარსარდალია პასუხისმგებელი.

კვიციანის თქმით, აუცილებელია „უკანონო ბრძანების“ შესახებ კანონის არსებობა, რადგან სამხედრო პირს ჰქონდეს საშუალება, უარი თქვას უკანონო ბრძანების შესრულებაზე.

„უმაღლესი მთავარსარდალია ყველაფერზე პასუხისმგებელი და არაფერ შუაშია სამხედროები, რადგან ისინი ასრულებდნენ ბრძანებას და ვინც გასცა ბრძანება ქვეყნის საზიანოდ, ის აუცილებლად უნდა დაისაჯოს. ზოგიერთი ვითომ ოპოზიციონერი რომ იძახის, შეცდომა მოუვიდაო, სწორედ ეს არის დიდი შეცდომა. სააკაშვილმა შეგნებულად, მის გუნდთან ერთად ჩაიდინა კოლექტიური ღალატი, რათა დამდგარიყო ის შედეგი, რომელიც გვაქვს. სააკაშვილი გაურიგდა მოწინააღმდეგეებს, რომ ჩააბარებდა ტერიტორიებს. რუსეთიდან იყო დიდი მოწადინება, დაგვეკარგა აფხაზეთის დარჩენილი ტერიტორიები, რომელსაც ჩვენ 14 წელი ვიცავდით და ასევე ცხინვალის დარჩენილი სოფლები, რომელიც ავტონომიაში შედიოდა და საქართველო აკონტროლებდა“,-განაცხადა ემზარ კვიციანმა ჟურნალისტებთან საუბრისას.

ავიაბილეთები იაფად
იტვირთბა....

სხვა ამბები

გაბუნია: მომდევნო კვირის ბოლოდან მოქალაქეს შეეძლება, პირდაპირ მივიდეს კლინიკაში და აიცრას

თალაკვაძე: თვითმმართველობის არჩევნებზე 43%-ის გადალახვა ოცნებისთვის ნამდვილად არ იქნება რთული

თალაკვაძე პლაკატებზე: მომავალში, შეიძლება, კიდევ გამოჩნდეს, შესაძლოა, ეს გააკეთოს ენმ-მაც

გახარია: ოცნების დღევანდელი ბოსები და ენმ შეხმატკბილებულად ასაზრდოებენ ერთმანეთს

გახარია: ოცნებამ თავისი უსუსურობით მოახერხა, რომ 20 ივნისის ყველა ნეგატიური გმირი, დღეს მერობის კანდიდატია

გახარია: ნებისმიერი სახის ძალადობა არის მიუღებელი, აქ არის ჩვეულებრივი წერტილი