- ზურა ვაზაგაშვილის დედა და იური ვაზაგაშვილის მეუღლე, ციალა შანავა სოციალურ ქსელში პოსტს აქვეყნებს.
“ამ მანქანაში, ჩემი შვილი, ჩემი ზურიკო წევს მკვდარი, 100 ტყვია ესროლეს, როცა ერთი ტყვიითაც შეიძლება ადამიანის მოკვლა,ზურიკოს მამა, იური ვაზაგაშვილი, ზურიკოს საფლავზე ააფეთქეს. ასეთი ბარბაროსობა ნაციონალებმა, სისხლისმსმელებმა ჩაიდინეს.
გააზიარეთ ეს ფოტო, იქნებ შეურაცხადი სააკაშვილის მოყვარულები დაფიქრდნენ ვის სცემენ თაყვანს. არც ერთი ხელისუფლება არ იმსახურებს ხალხისგან თაყვანისცემას, მაგრამ მიშა და მისი მიმდევრებისგან ღმერთმა დაგიფაროთ….” – წერს ციალა შანავა.
შეგახსენებთ, რომ თბილისში 2006 წლის მაისში ე.წ. „კორტების სპეცოპერაციის“ ჩატარებისას ზურაბ ვაზაგაშვილი გარდაიცვალა. 2015 წლის 20 იანვარს, კი იური ვაზაგაშვილი ახლობლის დაკრძალვაზე, კასპის რაიონის სოფელ ყარაფილაში იმყოგებოდა. ის მივიდა საკუთარი შვილის ზურაბ ვაზაგაშვილის საფლავზე, სადაც სასაფლაოზე დამონტაჟებული ასაფეთქებელი მოწყობილობის აფეთქების შედეგად ადგილზე გარდაიცვალა. ჩატარებული საგამოძიებო და ოპერატიულ-სამძებრო მოქმედებების შედეგად, დააკავეს პოლიციის თანამშრომელი გია სოსანაშვილი. გია სოსანაშვილი უარყოფს ბრალდებას და ადვოკატთან ერთად აცხადებს, რომ მის წინააღმდეგ არსებული მტკიცებულებები გაყალბებულია.
