ბრიტანელმა ცოლ-ქმარმა ნაგავში გადააგდო ლატარიის ბილეთი, რომელმაც, როგორც შემდეგ გაირკვა, 800 ათასი დოლარი მოიგო. ამის შესახებ ინფორმაციას The Daily Mail ავრცელებს.
გამოცემის ინფორმაციით, როგორც კი ცოლ-ქმარმა შეიტყო, რომ მათმა ბილეთმა მოიგო, ნაგვის ურნასთან მივარდნენ, მაგრამ ნაგავი უკვე გატანილი დახვდათ.
“როგორც კი ციფრები ვნახე, ვერ დავიჯერე, რამდენჯერმე გადავამოწმე და თავი სიზმარში მეგონა, თუმცა საქმე იმან გაართულა, რომ ლატარიის ბილეთი ნაგავში იყო გადაგდებული” – ამბობს ქმარი.
საბოლოოდ, როგორც ბრიტანელი ცოლ-ქმარი ყვება, ძალიან დიდხანს ეძებდნენ ნაგვისსაყრელზე ბილეთს და როგორც იქნა იპოვეს. როგორც ქმარი ამბობს, ამ ფულს იპოთეკის თანხის დაფარვისთვის გამოიყენებს.