ძალიან კარგად იცის იმ ადამიანების ბედი, გრძნობები, რომლებიც დიდი ხანია, საზღვარგარეთ სამშობლოს გარეშე ცხოვრობენ. ყველაფერი ესმის, ძალიან ბევრი უნდა დავინახოთ და უნდა დავაფასოთ, – ამის შესახებ მსახიობმა ზურაბ ყიფშიძემ რუსთაველის თეატრში სალომე ზურაბიშვილის მხარდამჭერ შეხვედრაზე განაცხადა.
„ძალიან კარგად იცის იმ ადამიანების ბედი, გრძნობები, რომლებიც დიდი ხანია, საზღვარგარეთ სამშობლოს გარეშე ცხოვრობენ. ყველაფერი ესმის, ძალიან ბევრი უნდა დავინახოთ და უნდა დავაფასოთ. რასაც ფიქრობ ადამიანზე, ის უნდა თქვა.
ძალიან დიდი დამსახურებაა მისი, რომ ემიგრანტებმა დაიბრუნეს საქართველოს პასპორტები, ოფიციალურად. დიდი დამსახურებაა, რომ ისეთ მომენტებში, როცა უნდა ეთქვა თავისი სიტყვა, თქვა. არავისი არ მოერიდა, არის პირდაპირი, არაჩვეულებრივად განათლებული და ჭკვიანი ქალბატონი“, – განაცხადა ზურაბ ყიფშიძემ.