დღეს, აშშ-ის ღია პირველობაზე მერვედფინალური ეტაპი იწყება. ჩვენი ყურადღება გადატანილია ნიკოლოზ ბასილაშვილის მატჩზე, რომელიც „ფლეშინგ მედოუს“ საჩოგბურთო კომპლექსის ცენტრალური კორტზე თბილისის დროით 20:00 საათზე დაიწყება და მისი მეტოქე არც მეტი არც ნაკლები, რაფაელ ნადალი იქნება.
ჩოგბურთელები პროფესიულ ტურში ერთმანეთს მეორედ ხვდებიან. მათ პირველ შეხვედრაში ბრძოლა არ შედგა – შარშან, როლან გაროსის მესამე წრეში ესპანელმა მხოლოდ ერთი გეიმი დაუთმო ბასილაშვილს – 6:0, 6:1, 6:0.