ფინანსთა სამინისტროს შემოსავლების სამსახურის მებაჟე ოფიცრებმა, საბაჟო გამშვებ პუნქტებში „წითელი ხიდი“ და „სარფი“ ჯამში, 3000 ღერი, არადეკლარირებული სიგარეტი აღმოაჩინეს.
როგორც შემოსავლების სამსახურში აცხადებენ, აზერბაიჯანისა და საქართველოს მოქალაქეებს ლ.ჰ.-სა და გ.ჟ.-ს, არადეკლარირებული სიგარეტი, ეჭვის საფუძველზე, ფიზიკური და კუთვნილი ხელბარგის დათვალიერებისას აღმოაჩნდათ.
საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეებს სანქციის სახით, ჩამოერთვათ საქონელი და ფულადი ჯარიმა, ათასი ლარის ოდენობით შეეფარდათ.