fbpx
ახალი ამბები მთავარი საზოგადოება სამართალი

რა მოხდა სამხედრო ნაწილში: ლევან იზორია “რუსთავი 2”-ზე გასულ სიუჟეტს ეხმაურება

ტელეკომპანია “რუსთავი 2”-ზე გუშინ გასულ სიუჟეტს, რომლის მიხედვითაც დაპირისპირება მოხდა სამხედრო ნაწილში და ინფორმაცია თავდაცვის სამინისტრომ შეგნებულად დამალა, თავდაცვის უწყება პასუხობს. უცვლელად გთავაზობთ წერილს, რომელიც “მეტრონომს” უწყებამ გამოუგზავნა. შეგახსენებთ, ტელეკომპანიის სიუჟეტის მიხედვით, სამხედრო ნაწილში სცემეს ჯარისკაცი, რომელიც ამჟამად საავადმყოფოში კომატურ მდგომარეობაშია.

„სამწუხარო ფაქტია ის, რომ კვლავ მორიგ, დაუსაბუთებელ ბრალდებებს ვისმენ, რომელიც მიმართულია, ვფიქრობ, მთლიანად შეიარაღებული ძალების დისკრედიტაციისკენ. ელემენტარული პასუხი მაქვს – თუ ჩაიხედებით კანონმდებლობაში, ეს არ არის სამხედრო პოლიციის ქვემდებარე ფაქტი, ანუ სამხედრო პოლიცია იძიებს იმ სამართალდარღვევებს, რომელიც სამხედრო ნაწილის ფარგლებში ხდება“, – განაცხადა საქართველოს თავდაცვის მინისტრმა ლევან იზორიამ მედიის წარმომადგენლებთან შეხვედრისას ნორიოში მომხდარ ინციდენტზე.

თავდაცვის მინისტრმა ერთ-ერთი მედიასაშუალების ეთერში გასულ სიუჟეტში გამოთქმულ ბრალდებას სამხედრო პოლიციის უმოქმედობასთან დაკავშირებით – სიცრუე და საზოგადოების შეცდომაში შეყვანის მცდელობა უწოდა: „რაც შეეხება ფაქტებს, სამართალდარღვევებს, რომელიც სამხედრო ნაწილის მიღმა ხდება, აქ ყველაზე კომპეტენტური, ბუნებრივია, სამოქალაქო პოლიციაა პროკურატურის ჩართულობით“.

ლევან იზორიას თქმით,  სამხედრო პოლიციამ იმოქმედა კანონის სრული დაცვით და ჰქონდა მყისიერი რეაგირება თავისი კომპეტენციის ფარგლებში, რათა დაედგინა, ჰქონდა თუ არა ადგილი ალკოჰოლური სასმელის მიღების ფაქტს სამხედრო ნაწილის ტერიტორიაზე. სამხედრო პოლიციამ დაადგინა ის ფაქტიც, რომ სამოქალაქო პოლიციას სამედიცინო პერსონალისგან შეტყობინება უკვე ჰქონდა მიღებული. ეს შეტყობინება კი, ეფუძნებოდა სამხედრო მოსამსახურეების პირველად ინფორმაციას, რომ სერგო ჯიმშერაშვილი  შეუძლოდ გახდა და დაზიანებები დაცემის დროს მიიღო.

აღნიშნული პირველადი ინფორმაციის გადამოწმების შედეგად დადგინდა, რომ სამხედრო მოსამსახურეები მალავდნენ დანაშაულს. სწორედ ამ საფუძვლით, ოთხი პირი ბრალდებულის სახით პასუხისგებაშია მიცემული, ხოლო ერთი პიროვნება – ჯანმრთელობის განზრახ დაზიანებით არის ბრალდებული. ეს უკვე იმ გამოძიების ფარგლებში დადგინდა, რომელიც სამოქალაქო პოლიციამ განახორციელა. ასე რომ, ის ბრალდება, თითქოსდა სამხედრო პოლიციამ პროცესუალურად არ იმოქმედა – არასწორია. ამას კანონი უკრძალავს და ის ქმედებებში შეზღუდულია“, – აცხადებს თავდაცვის მინისტრი.

„სამხედრო პოლიციას ინფორმაცია ჰქონდა იმასთან დაკავშირებით, რომ სამხედრო მოსამსახურე სუფრასთან შეუძლოდ გახდა, წაიქცა და დაზიანებები მიიღო. სწორედ იმის გამო, რომ სამხედრო მოსამსახურეებისგან დანაშაული იმალებოდა, ისინი ახლა პასუხისმგებაში არიან მიცემული. აქედან გამომდინარე, ცალსახად ვამბობ, რომ პირველადი ინფორმაციით, სწორედ ასეთი შეტყობინება შევიდა სამოქალაქო პოლიციაში. შემდგომ პოლიციამ გამოძიება დაიწყო, მართალია სისხლის სამართლის კოდექსის 120-ე მუხლით. თუმცა, იმ დასკვნის საფუძველზე, რომელიც ექსპერტიზისგან მიიღო, ის გადაკვალიფიცირდა სისხლის სამართლის კოდექსის 117-ე მუხლის პირველი ნაწილით და დღეს, სწორედ ერთ-ერთი პირი მიცემულია ჯანმრთელობის განზრახ მძიმე დაზიანების ბრალდებით პასუხისმგებაში.

ძალიან ვწუხვარ, რომ ეს არა მხოლოდ მინისტრს, არამედ მთლიანად შეიარაღებულ ძალებს ეხება – რომ უდისციპლინობას აქვს ადგილი, მეთაურებისგან უპასუხისმგებლო ქმედებებს აქვს ადგილი. ვფიქრობ, აღნიშნული ფაქტი ძალიან დაკვირვებული ანალიზის საგანი უნდა იყოს, მით უფრო, როდესაც შეიარაღებულ ძალებს ვეხებით,“  – აცხადებს ლევან იზორია.

 

სხვა ამბები

ექვსსაათიანი კურიერი ეთერში არ გასულა

newsadmin

პესტიციდების და აგროქიმიკატების 17 სარეალიზაციო ობიექტი დაჯარიმდა

newsadmin

ნათია თურნავა აშშ-სთან პირდაპირი ავიამიმოსვლის დაწყებაზე სექტემბერში მოლაპარაკებებს გამართავს

newsadmin

„რუსთავი 2″ -ის ჟურნალისტები ბულინგის მსხვერპლნი არიან, ყოფილი ხელმძღვანელის მხრიდან”

newsadmin

“პოლიტიკური მოძრაობის შექმნის ფაქტი არ არის ინდულგენცია” – თურნავა ხაზარაძეს

newsadmin

საქართველოსა და აზერბაიჯანის რესპუბლიკის სახელმწიფო საზღვრის სამთავრობო კომისიების საექსპერტო ჯგუფები განაგრძობენ ერთობლივ სამუშაოებს – საგარეო უწყება

newsadmin
იტვირთბა....