პარლამენტის განათლებისა და მეცნიერების კომიტეტის თავმჯდომარე, მარიამ ჯაში განათლების მინისტრობის კანდიდატს, მიხეილ ბატიაშვილს ახასიათებს. “მე მას ვიცნობ როგორც ძალიან საინტერესო პროფესიონალს. ის ინოვაციებისა და ტექნოლოგიების მხრივ ერთ-ერთი ყველაზე წარმატებული უნივერსიტეტის რექტორია” – ამბობს ჯაში.
“კვლევაზე ზუსტად იმ უნივერსიტეტში ვმუშაობ, რომელსაც ბატონი მიხეილი ხელმძღვანელობს. პიროვნულად და პროფესიონალურად მხოლოდ დადებითად შემიძლია შევაფასო, თუმცა კანდიდატთან დაკავშირებულ განხილვებს ვერ დაგიდასტურებთ”, – განაცხადა მარიამ ჯაშმა.
შეგახსენებთ, განათლებისა და მეცნიერების მინისტრობის პოსტს მიხეილ ჩხენკელი დატოვებს და მის ადგილზე, შესაძლოა ბიზნესისა და ტექნოლოგიების უნივერსიტეტის რექტორი მიხეილ ბატიაშვილი დაინიშნოს.